Video
Read full review
2023-07-22
556 views
-香港嘅東歐餐廳5隻手指數得哂，今次介紹呢間餐廳，除左環境充滿異國情調，食物質素高，仲要係烏克蘭人主理🇺🇦保證可以將當地嘅味道同客人分享🥂🐟醃鯡魚冷盤 $98因東歐冬氣非常寒冷，當地人會大量醃製鯡魚過冬。加左醋嘅鹽醃鯡魚，鍾意魚嘅會覺得好味，無咁鍾意嘅會覺得腥。想試又怕腥嘅朋友，可以配搭薯仔🥔同洋蔥🧅一齊食，中和返魚嘅腥味，又食到魚嘅香味😋🦌古法宮廷焙鹿肉 $268鹿肉放係一個盅入面燉煮而成，口感鬆軟，成舊肉都吸收哂醬汁嘅精華，好入味！就算🐷唔太鍾意食肉，由於醬料蕃茄味🍅較重，食完覺得好開胃😋配料仲有磨菇🍄、燈籠椒🫑、薯仔🥔，同樣燉到入哂味，推薦👍🏻🐄酥皮燴牛仔肉 $208同上面菜式嘅肉有好大共通點，就係放係盅入面燉到口感鬆軟而且非常入味😍而呢款菜式調味有香濃刁草味🌿雖然用上多種特別香料，但又唔會太濃太鹹。酥皮香脆，點汁都好好食，配料有磨菇🍄、薯仔🥔、紅蘿蔔粒🥕推薦👍🏻🥔薯蓉 $32加左牛油，所以口感軟滑，亦有少少薯仔粒口感，仲有香噴噴嘅牛油味🧈🍓烏克蘭雜莓薄餅 $78食左咁多次，第一次試佢地嘅甜品，🐷覺得甜品較主菜遜色，薄餅有蛋香味，但算厚身，可能要多啲醬先會好味啲🤔🥃Honey M
香港嘅東歐餐廳5隻手指數得哂，今次介紹呢間餐廳，除左環境充滿異國情調，食物質素高，仲要係烏克蘭人主理🇺🇦保證可以將當地嘅味道同客人分享🥂
🐟醃鯡魚冷盤 $98
因東歐冬氣非常寒冷，當地人會大量醃製鯡魚過冬。
加左醋嘅鹽醃鯡魚，鍾意魚嘅會覺得好味，無咁鍾意嘅會覺得腥。想試又怕腥嘅朋友，可以配搭薯仔🥔同洋蔥🧅一齊食，中和返魚嘅腥味，又食到魚嘅香味😋
🦌古法宮廷焙鹿肉 $268
鹿肉放係一個盅入面燉煮而成，口感鬆軟，成舊肉都吸收哂醬汁嘅精華，好入味！就算🐷唔太鍾意食肉，由於醬料蕃茄味🍅較重，食完覺得好開胃😋配料仲有磨菇🍄、燈籠椒🫑、薯仔🥔，同樣燉到入哂味，推薦👍🏻
🐄酥皮燴牛仔肉 $208
同上面菜式嘅肉有好大共通點，就係放係盅入面燉到口感鬆軟而且非常入味😍而呢款菜式調味有香濃刁草味🌿雖然用上多種特別香料，但又唔會太濃太鹹。酥皮香脆，點汁都好好食，配料有磨菇🍄、薯仔🥔、紅蘿蔔粒🥕推薦👍🏻
🥔薯蓉 $32
加左牛油，所以口感軟滑，亦有少少薯仔粒口感，仲有香噴噴嘅牛油味🧈
🍓烏克蘭雜莓薄餅 $78
食左咁多次，第一次試佢地嘅甜品，🐷覺得甜品較主菜遜色，薄餅有蛋香味，但算厚身，可能要多啲醬先會好味啲🤔
🥃Honey Moonshine (Vodka) $55
兩個字“出色”！店員話係老闆自己釀製👨🏻🍳未飲除左聞到Vodka味，仲聞到香濃蜜糖味🍯，飲開酒嘅朋友都知道Vodka酒精度數高，但呢杯嘅酒精味依然遮唔到蜜糖嘅香甜味😍👍🏻
🍷Nalivka $68
推薦俾唔太飲到酒又想飲少少酒嘅朋友，紅酒加果汁，因為有莓味🍓所以有少少似利賓納，味道較為單一，但都飲到紅酒味🤔
店舖係俄烏戰事中支持烏克蘭🇺🇦立場鮮明，會義賣部分口罩同酒，不計成本捐俾烏克蘭買救護車🚑有興趣嘅朋友可以黎支持下。
但留意因店舖較受歡迎，晚飯時段又只得6-8同8-10兩個時間，強烈建議提早book位🫡
9 views
0 likes
0 comments
Post
