古早味休閒台灣 (Closed)

剛剛去完台北幾日，又已經想念台灣菜❤︎試一試呢間台式樓上舖，正正位於旺角鬧區，好方便〜同行友人不太餓，我地兩個人點咗3個菜share。前菜涼拌黃瓜，落咗少少胡椒粉，但味道偏淡，普通咗啲；古早味牛肉麵，麵條超大好彈牙，牛肉激厚又煮得軟腍，而且量超多，十分足料，$65一碗仲點咗個小炒，九層塔炒螺肉，份量比想像中細咗啲，但味道好香、好夠鑊氣，螺肉新鮮彈牙，送飯一流當然少不了珍珠奶茶，呢到啲珍珠偏軟偏小，但味道正常水準。最後仲要咗個綜合芋圓，可惜忘記拍照，紅綠豆仙草珍珠樣樣都有，味道非常出色