喜善中餐廳 (Closed)

九展簡直係美食沙漠🙄。-一大棚人要一齊食個午飯首選一定係中菜，咁就一係十三樓一係就三樓，通常都係揀三樓架啦。人渣老細點半先放飯，多得佢地咁無人性先可以唔駛卜位直入坐低。-極速點菜。嗱，做個精明消費者😏。想點四人餐？Nonono，點兩個二人餐啦😎，貴四蚊多一個小菜架😁😁😁。-拼盤系列👇🏻▶️燒味拼盤海蜇爽，叉燒係瘦叉但唔柴，燒鵝OK 。▶️脆皮燒腩仔堅脆皮！好食！-小食系列👇🏻▶️雞絲涼拌粉皮小辣，唔錯，但好細好細碟。-小菜系列👇🏻▶️炒小菜係好食嘅！鑊氣好夠！掛住食都冇影其他相。但黎多兩碟好似碟碟都差唔多味又差唔多樣😂。-留意返，個餐無跟飯，一定要散叫多碟炒飯炒粉先餵飽成圍枱🙈。-再留意返，上菜速度偏慢，啲菜出左都無人傳上枱，明明一個二個棟哂係度，上到枱已經變暖，咁咪扣分囉。-評分界乎好評同OK之間，九展黎講呢間算係咁啦🙂。