武士拉麵 (Closed)

九龍灣展貿其實有好多傢俬店行，但係最驚係冇嘢食，原來嗰度開咗好多間嘢食，乜嘢菜式都有，而且好方便，大部份都係open area，喺尖沙咀都有嘅冇事拉麵喺呢度都開咗分店。武田將軍拉麵$118呢度所有嘅拉麵都係以將軍嘅名稱命名，我呢個其實就係北海道牛乳拉麵，個湯底有好香嘅奶油忌廉香味，識落好甜，同平時食開鹹鹹地嘅拉麵好唔同，最鍾意係佢快叉燒，好似用炭燒過咁，有d燶邊，未到超香，係成碗拉麵我最鍾意嘅。真田將軍拉麵$88呢個其實係豬骨湯底拉麵，相對地比頭先嘅北海道牛乳拉麵普通啲，唔會太鹹，最重要嘅係佢嘅配料唔係叉燒而係豬軟骨，豬軟骨炆得好琳，好入味，啲軟骨入口即溶，而且份量好多好大件。蜜糖芥末雞翼$28呢度嘅小食就真係好抵食， $28有八件蛋骨嘅雞翼，外皮炸得吹卜卜，淋上蜜糖芥茉漿汁，個芥末唔輕手，食到我辣到上腦。芝士炸蝦丸$35一共有五件，同平時嘅芝心丸唔同係用咗蝦丸做材料，一咬開裏面嘅芝士都同平時食開嘅芝士唔同，未到奶好多同埋留心好多，雖然做唔到拉絲嘅效果，但係係另外一番嘅芝士風味。