牛気 (東薈城名店倉)

Open Now

Now Closed

東涌喺我心目中一直都係美食沙漠，感覺上餐廳嘅選擇唔多。喺東薈城行完outlet，順路就入左去坐低打個邊爐。今次揀咗佢最貴嘅套餐，日本九州産黑毛和牛牛+海鮮放題，原價$698，即場下載佢個app做會員，最後埋單一個人$583。呢個餐基本上包晒所有唔同等級嘅牛，但當然主力就係會食呢個餐獨有嘅九州產黑毛和牛。第一盤肉上到嚟已經好吸引，和牛嘅脂肪比例比較高，入口即溶。之後再落單嘅幾round和牛都維持到水準。👍除咗牛肉之外，都有唔少海鮮嘅選擇，例如有松葉蟹腳、原隻鮑魚呢啲係出邊比較少見嘅海鮮火鍋配料，亦都有三文魚刺身供應。除咗落單嘅食物之外，自助吧亦都有唔同既蔬菜類火鍋配料同熟食可以拎，款式選擇都算多。