霞飛點心拉麵 (Closed)

睇到食評講得佢唔錯，於是乎列佢為九月新餐廳之一，都無令人失望︰ 蟹粉小籠包：9分，推介之一，可與著名小籠包比較！皮薄而唔穿，餡料香而味濃，好味！ 水煮魚：8分，少少辣，魚片的份量足夠，都可以啦！ 黃金四季豆；9分，咸蛋黃夠香，配四季豆感覺新鮮，但食得多都覺得有點膩 鱔糊炒拉麵：9分，鍾意佢麵的質地夠煙靱，加上醬料香濃，推介之一！整體服務好，上菜又夠快，價錢都公道，可以再去！