金田家 (Closed)

平日經過呢間日式店就好想食~今日終於有機會試到。原來金田家係九洲既拉麵最出名，帶來香港既除左有名既拉麵，更有家庭式料理。日式既裝修，唔會逼既環境令人可以專心享受美食~侍應既服務態度好好~好有禮貌，抵讚!食物方面元祖親子丼($62)半熟滑蛋好香，配有蛋汁好吸引。而雞肉好嫩口、好滑，再配有特製既醬汁，令人齒頰留香。豚骨拉麵($78)金田家主打，豚骨湯底係熬18小時、超濃郁既~更加係網上既人被讚譽做「卡布其諾麵」，因為佢濃郁到就好似可以打出奶泡、而且飲落起就似卡布其諾既香濃奶味。果然冇令我哋失望 ~豚肉湯底濃郁， 有啲似喺日本食正宗豚肉拉麵嘅味道。 如果大家去金田家，極度推薦豚骨拉麵!