Rings Coffee

Open Now

Now Closed

今個夏天特別多雨，搞到我呢啲咁鍾意戶外活動嘅人放假都要屈係屋企漚臭。今個星期終於頂唔順揸車去九龍城搵吓有咩cafe可以坐下嘆下咖啡。開車去接朋友之後出發去挑戰出名難搵車位嘅九龍城。出奇地今日一搵就搵到，仲要係一間cafe嘅門口有錶位，二話不說泊好車入去醫肚。Cafe坐位多數係室內，唯獨一張係正門口出面。我哋咁啱見到有位就坐咗呢張。一坐低睇menu先發現係九龍城頗有名氣嘅Rings coffee。其實想試好耐，之前有聽聞過佢哋嘅咖啡都幾出色，估唔到今次亂打亂撞走咗入嚟。- All Day Breakfast¹³⁸牛油果剛熟夠新鮮，仲好靚咁砌咗朵花出嚟，配埋燶邊太陽蛋既好味又啱晒打卡。酸種麵包包身外脆內軟，夠晒香口。穀物乳酪，酸酸甜甜開胃有營健康，是素食者唔錯嘅選擇。- 熱鮮奶咖啡³⁸咖啡醇香，沒有因為是鮮奶咖啡而掩蓋晒原本咖啡的味道。如果有得選擇Nutty或Fruity 嘅咖啡豆會更好。