鎔記潮州飯店

Open Now

Now Closed

邊個話去九龍城就一定要食泰國菜，原來九龍城都有老字號既潮州打冷店，叫“鎔記潮州飯店”。有3款凍魚，分別係大眼雞/鳥頭/馬友，款款都咁大條。好多滷味，款款都好新鮮。原來間野都幾有名，都有幾多名人黎食，就知間店幾有魅力，幾好食。佢地原來除左打冷出名，小菜都好出名，又多款式，而且價錢都好貼地。入面環境都好舒服，未到晚飯時間，已經有幾枱客係入面食緊。依間店唔難搵，城南道轉入去就見到。今次因為老婆大人要食打冷，所以突登黎買，下次先堂食試佢地d小菜。返到屋企打開個外賣打冷一睇，嘩！好足料，好滿足。