帕維亞意大利餐廳

Open Now

Now Closed

受友人邀請，到九龍城尋寶搵食，見到有意大利菜，唔洗點等位，就膽粗粗試下。Pavia位置算方便，附近有巴士、小巴站。店舖有兩層，裝修簡約時尚丶舒適。餐牌嘅選擇唔少，試咗黑毛豬火腿沙律、黑松露菌意大利雲吞(極力推薦)、白酒煮青口、雜肉薄餅、意大利芝士餅。沙律青新開胃，配上店家特製黑醋，一流。雲吞皮夠薄，加上超香嘅黑松露汁，真係無得頂，用餐包點個汁食同樣滋味無窮。青口大細平均有酒香，酒味唔會好濃。薄餅餅底夠薄，脆口得黎加上滿滿嘅芝士，一口落去好滿足。芝士餅香滑creamy, 仲有香濃嘅咖啡味。服務一流，待應又NICE，值得下次再黎。