Video
Read full review
2021-12-08
85 views
九龍城除咗食泰國嘢之外，原來仲有呢間新開業嘅廚師發辦omakase 「鮨勝」。想食嘅話最好就要預訂，否則遇上包場就可能冇得食㗎喇～我係晚市光顧，總共有三個唔同嘅set，我就揀咗「秀」$1280/位，包含前付、刺身5品、蒸物、季節料理、壽司6貫、蒸蛋、湯同埋甜品，一共18款精緻嘅料理，勁豐富😋慢煮安康魚肝安康魚肝被譽為海中鵝肝，口感軟滑，入口即溶，上面加咗Wasabi同埋青檸，味道好有層次感。花笑蟹肉上面配上蘋果醋啫喱撈埋啖啖蟹肉食，又酸又鮮，好開胃！生蠔 日本蠔大大隻，好肥美，上面加咗鮮茄蘿蔔蓉同埋醬汁，夾埋一齊飲咗佢，入口爽口鮮甜。熟成兩星期拖羅上面加左芥末籽，仲燒左個皮，面頭有少少焦香，油份十足！煙燻拖羅春魚個皮火炙過帶有少少焦香，配搭醃製洋蔥絲，開胃之選。燒秋刀魚入面包裹左少少炸蒜，香脆有咬口，味道香濃好惹味！金鯛松粒揚非常特別嘅一款炸物，熱辣辣小心辣嘴，最特別之處係魚鱗都食得，魚味濃郁又嫩滑，配搭喜馬拉雅山岩鹽同埋青檸汁，增加味道層次。六款壽司🍣深海池魚壽司加左少少蜂蜜汁檸檬皮芽蔥，鮮味十足。牡丹蝦壽司加左檸檬汁同埋蛋黃醋，仲配搭食用花，好睇又好食😋鯖魚米紙卷個人好喜歡嘅一款菜
慢煮安康魚肝
安康魚肝被譽為海中鵝肝，口感軟滑，入口即溶，上面加咗Wasabi同埋青檸，味道好有層次感。
花笑蟹肉
上面配上蘋果醋啫喱撈埋啖啖蟹肉食，又酸又鮮，好開胃！
生蠔
日本蠔大大隻，好肥美，上面加咗鮮茄蘿蔔蓉同埋醬汁，夾埋一齊飲咗佢，入口爽口鮮甜。
熟成兩星期拖羅
上面加左芥末籽，仲燒左個皮，面頭有少少焦香，油份十足！
煙燻拖羅春魚
個皮火炙過帶有少少焦香，配搭醃製洋蔥絲，開胃之選。
燒秋刀魚
入面包裹左少少炸蒜，香脆有咬口，味道香濃好惹味！
金鯛松粒揚
非常特別嘅一款炸物，熱辣辣小心辣嘴，最特別之處係魚鱗都食得，魚味濃郁又嫩滑，配搭喜馬拉雅山岩鹽同埋青檸汁，增加味道層次。
六款壽司🍣
深海池魚壽司
加左少少蜂蜜汁檸檬皮芽蔥，鮮味十足。
牡丹蝦壽司
加左檸檬汁同埋蛋黃醋，仲配搭食用花，好睇又好食😋
鯖魚米紙卷
個人好喜歡嘅一款菜式❤️非常考功夫，欣賞師傅用用紫蘇葉，加上鯖魚、姜、各款食用花等等配料，再用米紙包住，靚到唔捨得食，包好出嚟效果有少少似越南米卷。
黑松露野菌蒸蛋
超鍾意黑松露嘅味道，配上滑溜蒸蛋，上面仲加咗檸檬🍋入口即溶，好似冇經過個口就已經落咗喉嚨咁。
魷魚馬糞海膽壽司
魷魚界曬花咁樣好美觀，原來內有乾坤！裏面包住北海道馬糞海膽，鮮味十足，魷魚唔會好似擦膠咁，口感比較鬆軟同埋爽唔會太漿口。
鰤魚壽司
鰤魚熟成一星期，仲要用醬油醃漬過，好肥美而且味道豐富！
銀雪魚壽司
銀雪魚本身已經油香十足同埋好肥美，仲要配合生熟蒜，更有層次感。
鬼燈玉子拖羅飯
我心目中嘅No.1💯用醋飯+碎拖羅堆成富士山咁樣嘅形狀，上面仲要加上鬼燈玉子，本身隻蛋已經有醬油味，蛋黃味道好濃郁，配搭加入京葱、青葱、芝麻、蘿蔔嘅拖羅碎，味道濃郁豐富～邪惡極了！
江户前玉子
望落去好似古早蛋糕咁，原來係入邊冇麵粉㗎！佢嘅材料有雞蛋、蝦肉同埋魚肉，識落有少少蝦嘅味道，係鬆軟濕潤既一件蛋糕仔！
愛侶魚舞茸春菊湯
春菊打成茸，混入左湯羹入邊，配搭舞茸，口味清爽。愛侶魚口感軟滑又唔會腥，飲埋啲碗湯我真係飽到傻了。
北海道赤肉蜜瓜富有柿
最後嘅飯後甜品🍮就係北海道赤肉蜜瓜，呢隻蜜瓜味道獨特好似糖果咁樣嘅味道，香甜多汁～富有杮爽口香甜。
整體來講，覺得廚師對待每一款菜式都非常認真，睇佢製作食物嘅時候好似表演咁樣，整個過程都覺得好享受，菜式比較新式有創意。雖然價錢略貴，但係以佢嘅食物質素，絕對對得住呢個價錢！
Post
