Video
Read full review
2020-01-23
156 views
最近都食咗唔少雞煲同烤魚，雖然都叫做打過吓邊爐，不過啲配料質素都係一般般🤭所以都想食吓啲高質火鍋🤤講開高質火鍋，一定係諗起九龍城啦，而今次我就去火鍋頭試吓，望落都唔少人推介噢😆😆店舖門面用落地玻璃，入面坐都感覺開揚，不過想要啲privacy 又可以坐樓上，不過應該要book枱時講定😌打邊爐最重要當然係個爐，但係湯底真係成敗既關鍵，款式都多，千揀萬揀最後就要咗番茄鮮貝龍蝦鍋，龍蝦係一大隻，而且煲咗陣啲肉仲係好彈牙，證明真係新鮮吖😚😚成個鍋都好足夠，夠鮮夠茄味，其實都唔係太需要點豉油呢~不過由於有啲餓既關係，我地都叫咗啲餐前小食食住等😝墨魚油炸鬼（$58）墨魚味香濃，加埋泰式辣醬一齊食就好夾！冰梅一字骨好鬆化，一咬就離哂骨，梅味唔太覺，但我覺得好食😋 炸香蕉同預期唔太同，佢係香蕉蓉去炸，感覺似香蕉糕多啲🤭飲品叫咗梳打，比較細杯~ 但味道都OK實在太花多眼亂，所以叫個九點海鮮+牛肉盛再加少少其他配料，個極上牛盛真係一上就已經知正野，肥瘦均勻，份量大概每人兩塊，各有各口感，嗌呢個set真係唔錯😚而海鮮就比較少，不過我哋叫咗個龍蝦鍋，都叫食咗唔少海鮮了，而且隻瀨尿蝦好鮮甜吓🤩鮑魚同蝦都夠爽口，實
店舖門面用落地玻璃，入面坐都感覺開揚，不過想要啲privacy 又可以坐樓上，不過應該要book枱時講定😌
打邊爐最重要當然係個爐，但係湯底真係成敗既關鍵，款式都多，千揀萬揀最後就要咗番茄鮮貝龍蝦鍋，龍蝦係一大隻，而且煲咗陣啲肉仲係好彈牙，證明真係新鮮吖😚😚成個鍋都好足夠，夠鮮夠茄味，其實都唔係太需要點豉油呢~
番茄鮮貝龍蝦鍋
$288
4 views
0 likes
0 comments
不過由於有啲餓既關係，我地都叫咗啲餐前小食食住等😝墨魚油炸鬼（$58）墨魚味香濃，加埋泰式辣醬一齊食就好夾！
冰梅一字骨好鬆化，一咬就離哂骨，梅味唔太覺，但我覺得好食😋
冰梅一字骨
$58
16 views
0 likes
0 comments
炸香蕉同預期唔太同，佢係香蕉蓉去炸，感覺似香蕉糕多啲🤭
炸香蕉
$42
10 views
0 likes
0 comments
飲品叫咗梳打，比較細杯~ 但味道都OK
實在太花多眼亂，所以叫個九點海鮮+牛肉盛再加少少其他配料，個極上牛盛真係一上就已經知正野，肥瘦均勻，份量大概每人兩塊，各有各口感，嗌呢個set真係唔錯😚而海鮮就比較少，不過我哋叫咗個龍蝦鍋，都叫食咗唔少海鮮了，而且隻瀨尿蝦好鮮甜吓🤩鮑魚同蝦都夠爽口，實在好抵食！
九點海鮮牛肉盛
$850
12 views
0 likes
0 comments
另外叫咗碟西班牙豬腩片，油脂分佈都唔錯，不過牛好食太多了！
西班牙豬腩片
$78
4 views
0 likes
0 comments
而啲丸類都好值得嗌，芝心蝦丸好香濃芝士味之餘又不失蝦既味道，而梅菜豬肉丸亦係比較少見，而兩者又好夾👍🏻👍🏻韮菜餃大大粒，脹卜卜，而丸類同餃類可以夾埋雙拼（$88），咁就可以試多啲野了
見個湯咁好味，就梗係要落埋炸魚皮（$48）and炸響鈴（$58），索一索個湯，可以慢慢享受濃郁而鮮甜既蕃茄味，真係唔可以唔嗌吖🤤🤤
全家幅~~
最後埋單每人都食咗$500到，不過間唔中又同fd食得開心都係值得嘅😘😘
Post
