Video
Read full review
2022-06-22
576 views
陪好友去九龍城買南貨，行到身水身汗，又熱又攰，諗住搵間餐廳坐低，順便食埋晏先走。朋友話佢之前幫襯過城南道嗰間「泰象館」，店舖嘅食物做得唔錯，食材優質，而且價廉物美。最近得知餐廳開咗新分店，想同我去試下。原來呢間店舖係泰菜館嘅茶餐廳版，主要提供港式食物，例如碟頭飯、炒粉麵、小菜和下午茶餐等。點咗一個炒麵、一客炒飯，另外再加咗碟蝦仁炒蛋，每個餐都會奉送例湯及熱飲，凍飲+$2。今日係花生蓮藕豬骨湯，睇下幾足料，清熱降火，潤而不膩。銀芽肉絲炒麵 ($48) 麵底做得非常香口，麵條幼細，咬下脆卜卜、散發住蛋香。肉絲肥瘦適中，銀芽爽口。芡汁嘅濃稠度亦啱啱好，味道唔會太鹹，再伴以韭黃同蔥段，令口感大大提升，絕對值得一讚。另外呢碟海鮮蛋白炒飯 ($48) 亦係推介之選。米飯炒得夠乾身，入口粒粒分明，沒有絲毫油膩感，夠鑊氣又惹味。海鮮料下得非常慷慨，有魷魚，蝦仁，蜆肉等，好豐富，分量十足。韭黃蝦仁炒蛋 ($52) 雞蛋炒得非常滑溜，火喉控制得宜。蝦仁爽口彈牙，入口冇雪味，韭黃新鮮味濃，吃下香氣非常。跟餐飲品點咗凍檸檬茶 (+$2) 同 熱奶茶，檸茶以銀鈦杯盛上，入口夠晒冰凍，味道亦不俗。
朋友話佢之前幫襯過城南道嗰間「泰象館」，店舖嘅食物做得唔錯，食材優質，而且價廉物美。最近得知餐廳開咗新分店，想同我去試下。
原來呢間店舖係泰菜館嘅茶餐廳版，主要提供港式食物，例如碟頭飯、炒粉麵、小菜和下午茶餐等。
點咗一個炒麵、一客炒飯，另外再加咗碟蝦仁炒蛋，每個餐都會奉送例湯及熱飲，凍飲+$2。今日係花生蓮藕豬骨湯，睇下幾足料，清熱降火，潤而不膩。
銀芽肉絲炒麵 ($48) 麵底做得非常香口，麵條幼細，咬下脆卜卜、散發住蛋香。肉絲肥瘦適中，銀芽爽口。芡汁嘅濃稠度亦啱啱好，味道唔會太鹹，再伴以韭黃同蔥段，令口感大大提升，絕對值得一讚。
另外呢碟海鮮蛋白炒飯 ($48) 亦係推介之選。米飯炒得夠乾身，入口粒粒分明，沒有絲毫油膩感，夠鑊氣又惹味。海鮮料下得非常慷慨，有魷魚，蝦仁，蜆肉等，好豐富，分量十足。
韭黃蝦仁炒蛋 ($52) 雞蛋炒得非常滑溜，火喉控制得宜。蝦仁爽口彈牙，入口冇雪味，韭黃新鮮味濃，吃下香氣非常。
跟餐飲品點咗凍檸檬茶 (+$2) 同 熱奶茶，檸茶以銀鈦杯盛上，入口夠晒冰凍，味道亦不俗。
Post
