龍泉冰室 (Closed)

秉承傳港式茶記既精神，由西餐据扒到日本、台灣茶、雲南米線都應有盡有，不過今晚晚餐就想試下佢比較有特色小菜軟殼蟹菠蘿包絕對係港式fusion菜的代表，我亦都第一次見，所以忍唔住叫黎試下，同時真係無失望，熱辣辣的波羅包皮，包住大大隻的軟殼蟹，而且炸得幾好又唔油，底仲有大蕃茄同沙律醬，所有的配合，出奇地夾，甜甜地加上蟹味，又有蕃茄沙律去油感，真心推薦。士多啤梨骨港式菜之一，唔係到到都有得食，味道比生炒骨甜多一點少一點酸，但都係相當好送飯，而且肉排好冧，依方面真係要讚。霸王雞簡單嚟講就係蔥油白切雞，唔難整但這間整得相當嫩滑，滑到接近海南雞既感覺，雖然雞件唔算好多，但全部大大件啖啖肉，依個先係霸王級。