龍泉冰室 (Closed)

今日同同事做完嘢超級攰就 去咗位於九龍城嘅呢間龍泉冰室度食個午餐啦天氣勁熱 餐廳嘅冷氣好夠涼 全場爆滿要等位先入得 十分受歡迎餐廳裝修都係行街坊路線 勝在夠乾淨衛生 同時又唔會太迫刧叫咗個芝士鮮茄焗豬扒飯 要等一陣先有係即叫即製嘅 上面嘅芝士焗得啱啱好有拉絲嘅效果 鮮茄醬有口感酸甜味適中用嚟撈飯一流 菠蘿竟然係新鮮菠蘿 有驚喜豬扒夠厚身 食落冇鬆肉粉味 帶點肉汁 唔錯 飯梗係炒底啦 配埋酸甜嘅番茄醬幾開胃熱奶茶 水滾茶靚茶香十足 淡奶嘅份量啱啱好夠曬滑溜