Video
Read full review
2021-11-22
44 views
-鮨勝 之從開左屯馬線 大西北牛牛好似去邊都方便左仲可以去以前一年可能先去一次既九龍城今次畀林芝蓮發掘到呢間日本餐廳門面係非常簡約和式設計 因為門口唔太明顯 隱隱帶住神秘感 所以見到就好想入去試 最後都冇令人失望❤️❤️❤️❤️❤️🐟秀 Omakase 18品 （$1280）✨前菜🐟慢煮鮟鱇魚肝 鮟鱇魚肝又稱之為海底鵝肝 係日本仲會被人視為人間極品慢煮鮟鱇魚肝伴有橙皮 wasabi 同 豉油 令成個菜都更香 同中和魚肝既膩感 魚肝口感綿滑 ✨刺身5品🦪日本室津生蠔 伴有鮮茄 紫蘇葉 蘿蔔蓉汁同四季紅所以會有少少辣 增加味道層次生蠔仲好新鮮易入口 口感creamy 🐟紫洋蔥煙燻鰆魚 煙燻過鰆魚配以自家製醬油紫洋蔥外皮微微香脆 魚肉嫰滑 好味❤️🐟秋刀魚外皮有塗上蒜油再燒炙過 肉質非常肥美 油脂滿滿食完口腔留有餘香 連埋葉食仲可以中和番個好重既魚油味 最後仲有放上七彩芝麻 大愛呢個❤️🐟熟成14日大拖羅熟成拖羅其實係去左水份 經過風乾 等所有細胞死左 就會得留水魚味 所以會比其他新鮮釣上黎既魚味更加濃郁 配上芥末籽 唔會好辣 少少鹹香 好味~🦪磯煮鮑魚用既係南非鮑魚 慢煮3個鐘 肉質軟稔 醬汁都會特別入
鮨勝
之從開左屯馬線 大西北牛牛好似去邊都方便左
仲可以去以前一年可能先去一次既九龍城
今次畀林芝蓮發掘到呢間日本餐廳
門面係非常簡約和式設計
因為門口唔太明顯 隱隱帶住神秘感
所以見到就好想入去試 最後都冇令人失望❤️❤️❤️❤️❤️
🐟秀 Omakase 18品 （$1280）
✨前菜
🐟慢煮鮟鱇魚肝
鮟鱇魚肝又稱之為海底鵝肝
係日本仲會被人視為人間極品
慢煮鮟鱇魚肝伴有橙皮 wasabi 同 豉油
令成個菜都更香 同中和魚肝既膩感 魚肝口感綿滑
✨刺身5品
🦪日本室津生蠔
伴有鮮茄 紫蘇葉 蘿蔔蓉汁同四季紅
所以會有少少辣 增加味道層次
生蠔仲好新鮮易入口 口感creamy
🐟紫洋蔥煙燻鰆魚
煙燻過鰆魚配以自家製醬油紫洋蔥
外皮微微香脆 魚肉嫰滑 好味❤️
🐟秋刀魚
外皮有塗上蒜油再燒炙過
肉質非常肥美 油脂滿滿
食完口腔留有餘香 連埋葉食
仲可以中和番個好重既魚油味
最後仲有放上七彩芝麻 大愛呢個❤️
🐟熟成14日大拖羅
熟成拖羅其實係去左水份 經過風乾
等所有細胞死左 就會得留水魚味
所以會比其他新鮮釣上黎既魚味更加濃郁
配上芥末籽 唔會好辣 少少鹹香 好味~
🦪磯煮鮑魚
用既係南非鮑魚 慢煮3個鐘
肉質軟稔 醬汁都會特別入味
師傅建議第一啖先食鮑魚原味
第二啖就再配上鮑魚肝醬 更加提鮮
✨熟食
🐟炸金鯛
連埋魚鱗一齊炸 魚皮鬆脆 魚肉嫰滑
配以喜馬拉亞山海鹽 同青檸 有提鮮作用
最後再以薑芽黎僻味 而且係酸酸地~
✨壽司6貫
🐟魷魚
師傅約魷魚切粒 可以更易入口之餘仲增添口感
壽司表面鋪有柚子皮同長炭鹽 提鮮✨
🐟梭子魚
壽司表面塗上蒜味豉油 加埋魚子粉
魚肉偏多 味道濃郁同 鹹鹹鮮鮮 🤤
🐟真鯖魚
真鯖魚表面放有曬乾左既紫蘇葉同紫蘇花
受埋塗上蒜香豉油 令味道變得多層次
加上鯖魚 肉質肥美軟稔 味道會較濃 好味❤️
✨大硯濃汁茶碗蒸
以茶碗蒸作為間場入面有新鮮三文魚子
粒粒都大大粒 加埋以大硯濃汁取替上湯
成個茶碗蒸都鮮味濃郁 蒸蛋口感滑溜❤️
🐟富山灣蝦
白色肉其實就係蝦肉 師傅話上面係有廿隻
口感係嫰得黎又幾爽口 加上紅色岩鹽
比起牡丹蝦 蝦鮮味更為突出
🐟熟成14日赤身吞拿魚
配有山葵漬 完全唔肥 冇筋
魚味亦都比平時既吞拿魚更為香濃
🐟煙燻鱈魚
鱈魚自身魚味唔重 但油份偏多
師傅用蒜味豉油+ 炸蒜 生蒜作調味
配合煙燻既烹調手法 去增添味道 好味~
✨季節之料理：江戶前玉子
賣相好似一件蛋糕 但其實唔係
由於而家係蟹季 其實係用蟹肉 蝦肉 同蛋黃 製作而成 當中冇加任何麵粉
質感好似蛋糕 仲有淡淡鮮味 好特別✨
✨手卷：蔥吞拿魚蓉手卷
師傅會問你飯量要正常/少飯🤭
蔥吞拿魚蓉份量都多 由頭食到尾都有
中間仲有醃蘿蔔 夾雜蔥花同芝麻
所以成個份量都滿滿的 仲好新鮮
✨湯品 ： 蟹肉豆乳湯
主要係用蟹殼同少少牛奶去熬湯
所以質感會較為綿滑 仲有嫰豆腐~
另外最欣賞係個自家製“魚蛋”
緯蟹肉+白身魚肉製成 口感爽口彈牙
仲為個湯帶來鮮味 呢個真心好好飲！🤤
✨水果
🍈北海道赤肉哈蜜瓜 和歌山刀根柿
2款都係日本時令水果 哈蜜瓜香甜Juicy
係近年食過最香 最爆汁既哈蜜瓜😍😍
刀根柿就第一次食 口感爽口 都係好香甜~
整體黎講 估唔到係九龍城搵到間咁正既omakase!!
非常感受到師傅對食物既貼心同執著
成個Omakase 流程 同服務都賓至如歸
環境又好舒服 真心可以回頭😍
Post
