水剌間

Open Now

Now Closed

係九龍城泰國菜就食得多 ，放工行過見到一間新開既韓國菜館，就入去試一試~ 🇰🇷 入面有分一般枱櫈同埋可以盤座既位置，好有去左韓國既感覺～餐廳有韓國菜如泡菜煎餅同豆腐鍋，仲有燒肉，部隊鍋等等，好多種類我地叫左燒豬肩胛肉，炆牛肋肉同埋芝士海鮮辣煮年糕🐷燒豬肩胛肉有３大塊豬肩胛肉，配有生菜、蒜頭、雞脾菇，仲有酸蘿白辣椒同醬汁~店員好好幫我地燒，好好service~豬肩胛肉醃完味道岩岩好，唔會被D醬味蓋過豬肉味~燒完好juicy ，夾生菜好正~🐮炆牛肋肉有好多件牛肋肉，配有蘿白，紅蘿白同冬菪，醬料甜甜，牛肋肉炆到又淋又入味，好好食呀！🦐🐙芝士海鮮辣煮年糕辣煮年糕好大碟，上面毫不留手撤滿大量芝士，海鮮有蜆、蝦、青口，魷魚，好豐富呀！年糕夠煙韌，掛晒汁～店員好殷勤招待，呢間餐廳原來開左２個月，食物係韓國大廚主理～唔怪得味道咁正宗~我見店內都有唔少枱熟客仔~睇黎我都將會成位其中一位熟客啦！