手作鮮芋站 (Closed)

疫情爆發，都係乖乖買外賣返屋企食🥡🥲 苦中一點甜，黎到近期最喜愛嘅一間甜品店「手作鮮芋站」😋 主打芋頭製品，有手搖飲品、芋圓、芋泥三文治等，一次過滿足晒芋泥控同芋圓控🤤🤤🤤《 芋泥肉鬆吐司🍞 》 $42 5 / 5 ✨✨✨✨✨食過嘅芋泥肉鬆吐司中數一數二好食😋 芋泥肉鬆比例各半，有時太多芋泥餡反而食落好漏，呢個就恰到好處👍🏻 芋泥香甜幼滑，帶點淡奶香🤤 肉鬆仲有酥脆口感👍🏻 兩邊麵包底各塗上牛油🧈相當香～ 唯一小缺點係包裝袋唔透氣，令到麵包有點濕🤏 《 芋圓桃膠西米撈 》 $42 4.5 / 5女士之選👩🏻 除左大粒Q彈又好嚼勁嘅手作芋圓外，仲有養顏桃膠👍🏻 雖然桃膠細細粒，但份量都多😋 西米屬大粒個種，口感好；糖水底亦唔會太甜👍🏻《 招牌仙草芋圓 》 $38 4.5 / 5想更食到芋圓味道，哩款熱嘅招牌糖水就最適合👍🏻 溫熱嘅芋圓味道突出，尤其係紫薯丸真係好大陣蕃薯味🤤 加上仙草、珍珠同紅豆，層次豐富好咬口😋整體糖水同吐司表現有驚喜，小店製作咁有心機當然值得支持🙌🏻