泰傳奇 (Closed)

EMAX雖然無咩好行，但餐廳就有好多，2/F成層都係food court，今日就試下泰國餐廳泰傳奇．泰式海南雞脾飯 $80又又又試海南雞飯啦，今次呢間嘅飯煮得剛剛好，唔會太硬又唔會太淋，雞肉全部都大大件，肉香嫩滑！泰式豬手飯 $70呢家小店的豬手飯都多配料，酸菜、滷蛋都有，豬手煮到好稔好入味，配埋醬汁去送飯😋😋。另外豬手果層皮仲係入口即溶😍（跟餐)自家龍眼冰 $8個人認為龍眼冰比菠蘿冰出色，相比之下龍眼冰更加甜，不過菠蘿冰嘅果肉多啲，各有特色。菠蘿冰 $28飲第一啖嘅時侯淨係飲到梳打水味，不過攪拌後再食啖菠蘿肉又有少少甜味，菠蘿係新鮮菠蘿，唔係罐頭菠蘿，而且杯嘅份量大過龍眼冰。