海街丼 (E-Max) (Closed)

陪朋友去到E-Max睇咗一陣汽車，順便搵間餐廳做晚餐落腳點，今次係我第一次幫親E-Max既餐廳，裝修好靚充滿日本氣息。店員遞上食物之後主動問我之前有冇食過，我答佢冇，佢好細心地說明進食既次序和食法，仲介紹咗一轉食材，我覺得好窩心。✨醬汁吞拿魚丼（$190）吞拿魚切得大大塊，魚肉新鮮肉質飽滿，三文魚籽的份量都幾多，食得好滿足！✨蟹吞拿魚蓉丼（$180）賣相好吸睛！最上面是蟹膏，然後有松葉蟹肉碎、吞拿魚蓉、三文魚籽、蟹子，層次好豐富。每一啖都有食材陪伴既感覺實在係太爽啦！另外一提，佢既前菜茄子和酸啫喱都不錯，鮮魚湯超好飲，鐘意既話仲可以用茶漬飯既食法去享用丼飯。呢間店附送既茶勁好飲，有烏龍茶和綠茶，我仲有讚佢地既茉莉綠茶真係好好飲添。