海街丼 (E-Max) (Closed)

平時喺九龍灣食到悶悶哋，今日去咗九展發掘新嘢食，原來而家九展多咗好多新餐廳，而海街丼係主打食魚生丼飯，見到呢間餐廳好似好吸引咁，所以就決定食呢間餐廳～滑蛋豬扒丼 $120我地叫咗個豬扒丼，啲豬扒好 嫩，而且皮好薄，可以食到啖啖豬扒肉，加埋軟綿綿嘅滑蛋一齊食，呢個價錢嚟講性價比真係極高。醬汁吞拿魚丼 $190呢個丼嘅內容非常豐富，一上菜就見到滿滿嘅吞拿魚！每嚿吞拿魚嘅油脂分佈都超平均，而且每塊都好肥美。呢個丼仲有2種玩法，將壽司醋果凍撈飯就好似食緊壽司咁，最後可以加少少魚介出汁就可以變茶漬飯～味道方面有少少辣，多層次嘅食法真係好特別。 綠茶雪糕(L) $58食完丼飯點少得飯後甜品，我哋嗌咗個綠茶雪糕，而啲配料都非常和風同打卡able，雪糕每啖都好想抹茶味，配埋紅豆同小丸子真係好夾！