Cafe Wellcome x BBQ Place (Closed)

黎親EMAX多數都系睇戲，睇完戲行左陣成個商場，黎到 4/F 全層都係傢俬店，行到盡頭有個聖誕氛圍感重既白牆吸引我行埋去，先至發現原來間餐廳。 餐廳入面擺設似自助餐，而出面仲有個過萬呎露天大平台，有樂隊表演位置、兒童遊玩設施、一堆桌椅、燒烤爐等。逢星期六日仲會提供燒烤套餐，岩晒一大班人聚會，尤其政府寬左燒烤埸地既限制，更加想去。 另外餐廳提供午、晚餐set menu，每個月更新一次。每個餐都已經包晒前菜、主菜、甜品和飲品。價錢最平$58左右，最貴都只不過係 $88左右，完全唔過百，非常之抵食。✨午餐晚餐都係同一個餐牌，想幾點食都得。 - 前菜 - 是日餐湯係中式既青紅蘿白湯，要提既係完全冇任何味精，味道清甜👍🏻。餐包就係一小條蒜蓉包。沙律係薯仔沙律，配上蜜糖芥末醬，仲有香脆煙肉碎，夠晒惹味。 - 主菜 - ⦁菠菜忌廉蟹肉意大利飯 $78菠菜忌廉味道濃郁creamy，意大利飯軟硬適中，粒粒分明之餘而且好飽滿。蟹肉同菇既量都多，十分滿足！ ⦁BBQ燒豬肋骨 $88豬肋骨燒得好香，肉質唔韌，易咬易切，不粘牙！薯菜份量都好多，翠玉瓜好鮮甜，薯條好香脆。 - 甜品 -