L'Eclair de Genie (Closed)

第一次食呢間既閃電泡芙時，簡直驚為天人，原來泡芙係可以咁輕盈咁好味。佢既經典味道:焦糖海鹽味到依家仍然係無得輸。之後再陸續食其他口味包括雲呢拿、朱古力、紅桑莓等等，都一樣可以俘虜左我既心。可惜價錢不算便宜，所以不可以日日食。近日發現左Entertainer app,呢個app內既食店可以買一送一。見到呢個app可以買閃電泡芙買一送一時，雙眼即時發光。跟手買了青檸椰子味及雲呢拿味。雲呢拿味不用多講，仍然保持一貫既高水準。見到咁多黑色點點，就知道用了真正既雲呢拿條去做，味道天然不造作。青檸椰子味，有微微既青檸味，不太搶，又有微微既椰子味。最得意係表面有三粒椰絲棉花糖，同泡芙既質感完全唔同，但一齊食味道會好d。