i CREMERiA (Closed)

我上網見到I cremeria呢幾日做主餐牌雪糕買一送一既優惠，今日出開街，就同男朋友一齊去食。既然有優惠，我地就揀左最貴既雪糕：日本直送蜜瓜芭菲同日本直送完熟白桃芭菲。兩個原價都要$108，依家$108就可以食晒兩個。可惜食完我覺得就算半價左都唔抵。首先size屬於細杯，呢個價我覺得要大杯啲囉。然後無論係蜜瓜定白桃都唔甜，好失望。最後係北海道牛奶雪糕甜左啲，雖然口感都幼滑，但牛奶味唔算好重。下次都係食返抹茶啦。