金鶴拉麵 (和富道) (Closed)

呢間拉麵店最出名嘅係雞湯拉麵。之前都試過味道唔錯，唔會好似豬骨湯咁油膩， 今次見到佢外賣做一百蚊七折，諗住一試佢啲日本丼飯，但後來發覺原來丼飯唔做七折，有啲失望，但係試過之後都覺得性價比高。我叫咗一個豬肉碎丼飯再加一個照燒雞扒丼飯，另外再叫咗兩串串燒，包括明太子雞翼及黑豚肉。一個丼飯價值58蚊，另外每串串燒24蚊。 個豬肉飯鹹鹹地甜甜地非常開胃， 屋企人食咗個雞扒飯個質感都幾滑唔會嚡口，味道幾日式。 明太子雞翼辣辣地，略為燒得燶咗少少。 黑豚豬肉又唔係算好特別用咗啲甜甜嘅醬汁對比起明太子雞翼好似抵食啲。 不過總括嚟講58蚊個飯再加七折嘅串燒，味道幾好算係幾抵食。下次一定要叫返佢個雞湯拉麵，因為咁樣先有七折，感覺更加抵食。