Châteraisé

Open Now

Now Closed

天水圍站📍Chateraise焦糖布丁蛋糕不嬲對呢一間店舖嘅蛋糕都好欣賞，佢啲cream好滑，蛋糕口感好豐富，平時就食開士多啤梨蛋糕同埋朱古力蛋糕，今次見到佢有個焦糖布丁蛋糕又試試佢先。呢個蛋糕切落去嘅時候有少少硬硬地，唔知係咪雪得太耐，下次應該要解凍一陣先。食落口比較甜，面頭嗰層焦糖醬都幾濃味，布丁幾滑，不過同蛋糕配埋一齊總係有啲奇怪嘅感覺。我個人就唔太喜歡呢一種感覺，不過屋企人又覺得唔錯。價錢方面我都唔太記得係幾多，大概都係180左右，以呢個價錢來講有一磅嘅蛋糕都算OK啦，好過食美心東海堂。不過下次我就唔會再叫呢個蛋糕啦，都係食返朱古力嗰個最正。