Video
Read full review
2014-10-06
1258 views
今日搭車到Megabox食晚飯兼行街！去到黃昏6點幾！餐廳都未開始有人潮！唔使等位！餐廳對住蹓冰場！好光猛開揚！可惜對住蹓冰場嘅位置已經滿了！我被安排坐近盡頭一個凹位，凹位只可放一張四人枱，自成一角！不過附近嘅枱都好近！叫了：紅燒牛肉+鹵水雞翼湯麵--紅燒牛肉兩件！炆得入味，唔嚡！雞翼反而有點失望，雖然炆到骨肉分離，但肉質較嚡！湯底夠濃，麵條粗幼不一，不過較粉！鹽酥拼盤（雞件、豆腐、花枝丸）--參考相片係一隻碟分三小堆放！但上菜就一大堆散晒撈亂晒！食物即炸，外脆內軟，外面椒鹽好惹味，點埋酸汁食會無咁乾，無咁熱氣！跟餐前菜--即係桂花糖車厘茄（唔睇單都唔知係桂花糖）因為個汁實在食唔出！個味好怪，好溢！唔係甜亦唔係酸！一陣味！我同肥髀都係食咗一粒就無食！唯一係車厘茄係新鮮嘅！（其實⋯你比新鮮車厘茄我仲好）餐飲：蜂蜜綠茶珍珠--綠茶唔會過甜，珍珠煙韌，唔會硬！（平常自己唔會叫台式飲品加珍珠，因為好多時都係偏硬）跟餐：綠豆沙，好濃，足料！綠豆煲到爛，仲有幾片海帶！唔會過甜！而且夠熱！食物其實都唔錯，但服務真係唔得！大堂都有廿幾張枱，眼見得四個店員，人手唔係好夠，所以每次都要吊起個頭，舉手一陣先
叫了：
紅燒牛肉+鹵水雞翼湯麵--紅燒牛肉兩件！炆得入味，唔嚡！雞翼反而有點失望，雖然炆到骨肉分離，但肉質較嚡！湯底夠濃，麵條粗幼不一，不過較粉！
鹽酥拼盤（雞件、豆腐、花枝丸）--參考相片係一隻碟分三小堆放！但上菜就一大堆散晒撈亂晒！食物即炸，外脆內軟，外面椒鹽好惹味，點埋酸汁食會無咁乾，無咁熱氣！
跟餐前菜--即係桂花糖車厘茄（唔睇單都唔知係桂花糖）因為個汁實在食唔出！個味好怪，好溢！唔係甜亦唔係酸！一陣味！我同肥髀都係食咗一粒就無食！唯一係車厘茄係新鮮嘅！（其實⋯你比新鮮車厘茄我仲好）
餐飲：蜂蜜綠茶珍珠--綠茶唔會過甜，珍珠煙韌，唔會硬！（平常自己唔會叫台式飲品加珍珠，因為好多時都係偏硬）
跟餐：綠豆沙，好濃，足料！綠豆煲到爛，仲有幾片海帶！唔會過甜！而且夠熱！
食物其實都唔錯，但服務真係唔得！大堂都有廿幾張枱，眼見得四個店員，人手唔係好夠，所以每次都要吊起個頭，舉手一陣先有人理，我坐低叫完食物，個中年女店員回來話餐飲無爆珠，叫我要淨蜂蜜綠茶得唔得？我話咁你比珍珠或者玉露我得唔得？佢就話無玉露，咁比珍珠我（佢點解會一開始嘅唸法，就係扣去爆珠變清茶，唔係換另一樣配料比我呢？）
因為個麵好快上！我同肥髀麵都食晒，但個小食都未來，我咪舉手問落單個中年女店員（應該係佢負責我嗰區）：我個E10小食未到？佢即刻話：加一個小食！「加一個？」連肥髀都即刻話唔係加！但佢已經走開咗！我要特登走到落單電腦度再重申，係叫咗未到，唔係加單，佢又話：「知道，要炸嘛！所以會耐啲！」我忍唔住串佢，話隔離兩枱遲過我到，我都見到炸物已到！如果廚房順落單次序做,都唔係炸物要耐囉！唔好順口應咗我就算喇！講句「我去跟跟」仲實際！
到碌卡埋單（亦係中年阿姐經手）之後我回到家，先望到張單內嘅食物唔係我點嘅，價錢亦唔同！但碌卡單就用我張卡過了數！即係我幫其他枱嘅客埋了單！（我知我都有責任，係無對單）我咪即刻打電話比餐廳講返件事，個經理都好理解，話今晚對了單，叫我第二日去餐廳，佢退番差價比我！
（今日我去餐廳，搵個店員講一聲，佢即刻退回三十幾蚊差價比我！亦好好禮貌講唔好意思！講真如果我住得遠都唔會為呢三十幾蚊去多次（車錢都蝕埋）不過件事唔可以怪晒餐廳！佢嘅解決態度亦好好！）
件事順利解決，但講真服務真係好亂！可能某店員要再培訓！
Post
