勝記酒家 (Closed)

今日係灣仔做野，老婆過左黎接我收工，6點左右見食飯時間到，就係附近食埋晚飯先回家，見好耐冇食過中餐，老婆就話不如去勝記食乳豬，好耐冇食過。上到去坐低，因為我地之前都有黎食過，所以餐牌都冇點睇，立即叫左店員寫菜嗱我地分別點左勝記即燒乳豬例牌、辣子雞煲同埋菠蘿咕嚕肉3個餸。即燒乳豬：即燒乳豬熱辣辣，外皮脆卜卜，加埋一塊即蒸既中式包皮，配以甜醬，食左幾塊都唔會覺得油膩辣子雞相：服務員超貼心，可能落單時我地講錯左俾店員聽，店員以為我地要加辣，其實我地係要小辣，店員落單後回頭再確認一次是否要加辣嗎？好彩佢再三問一問我地，如果唔係真係會辣到頭都痕了辣子雞由乾蔥、椒絲、豆豉配合醬料炒成。雞件走過油，所以將雞既肉汁封左係肉入面，嫩滑多汁，伴飯十分開胃，但建議要叫bb辣,因為小辣都幾辣㗎菠蘿咕嚕肉：份量多，有青黃椒，紫洋蔥，菠蘿，色彩豐富，正式色鮮味香，未食已被賣相同甜甜酸酸既味道所吸引咬落脆卜卜，淡淡肉，酸甜適中，唯一不足的是，粉漿多左小小。