Video
Read full review
2023-08-15
817 views
今次用餐體驗一般，用餐時間係3小時，6:30-9:30，餐廳6:28分先開門放人入場。事實上冇 kol 介紹咁豐盛，冷盤海鮮上根本冇大扇貝，蒸魚係亦未見過有出，蟹腳偏細同略咸。服務亦一般，層層叠咗差唔多半個鐘先有人收吓碟。輪候分派海鮮好壞參半，好嘅係唔使同人搶，唔會比人掃晒冇得食，唔好嘅係排到你都未必攞到你想食嘅海鮮，如蒜蓉蒸海鮮係最受歡迎，好快就分派完，攞唔攞到要睇緣份，唔係排就有，排到自己冇想要嘅可留守區等，但唔知等幾耐，個人覺得拎個長碟連續排幾轉，食到扇貝，聖子，貴妃蚌之類海鮮嘅機會會大啲。熱薰同沙律區只有剛進場反應熱烈，然後都去咗排海鮮， bbq 區某幾款食物長期光碟狀況，原因係出品慢數量小。至於味道方面：飲品﹣賓治同桃茶這些特飲試完一啖就唔會飲第二啖，都係汽水同茶穩妥。熱薰﹣冇食因為都在排海鮮 XD 沙律區﹣火腿同沙律菜都 ok,菜係精神嘅。 bbq 區﹣雞串同菠蘿較好食，小墨魚同蝦一般有乜味試過就算。海鮮區﹣新鮮海鮮係全場焦點，每人每次限兩件可不同款，不論是炒還是蒸都好美味，最鐘意係避風塘好香口惹味，但唔知點解龍蝦只有尾端，完全唔見有蝦身。冷盤海鮮可忽略。湯﹣每客一個可選中
事實上冇 kol 介紹咁豐盛，冷盤海鮮上根本冇大扇貝，蒸魚係亦未見過有出，蟹腳偏細同略咸。服務亦一般，層層叠咗差唔多半個鐘先有人收吓碟。輪候分派海鮮好壞參半，好嘅係唔使同人搶，唔會比人掃晒冇得食，唔好嘅係排到你都未必攞到你想食嘅海鮮，如蒜蓉蒸海鮮係最受歡迎，好快就分派完，攞唔攞到要睇緣份，唔係排就有，排到自己冇想要嘅可留守區等，但唔知等幾耐，個人覺得拎個長碟連續排幾轉，食到扇貝，聖子，貴妃蚌之類海鮮嘅機會會大啲。熱薰同沙律區只有剛進場反應熱烈，然後都去咗排海鮮， bbq 區某幾款食物長期光碟狀況，原因係出品慢數量小。
至於味道方面：
飲品﹣賓治同桃茶這些特飲試完一啖就唔會飲第二啖，都係汽水同茶穩妥。
熱薰﹣冇食因為都在排海鮮 XD
沙律區﹣火腿同沙律菜都 ok,菜係精神嘅。
bbq 區﹣雞串同菠蘿較好食，小墨魚同蝦一般有乜味試過就算。
海鮮區﹣新鮮海鮮係全場焦點，每人每次限兩件可不同款，不論是炒還是蒸都好美味，最鐘意係避風塘好香口惹味，但唔知點解龍蝦只有尾端，完全唔見有蝦身。冷盤海鮮可忽略。
湯﹣每客一個可選中或西湯，我揀左中式燉湯味道 ok 唔錯嘅。
肉類﹣片皮鴨、燒牛肉、羊扒一般唔算好食又唔難食試過就算。
粥麺﹣係有活蝦，但水箱啲水好渾濁就冇試。刺身﹣我忘記咗呢個區嘅存在。
甜品﹣拎左兩件都死甜，都係雪糕穩妥。爆谷還可以，雞蛋仔略脆，但冇雞蛋仔香。
總結：新鮮海鮮係幾好食，廚師煮得好，以呢個價嘅自助餐能食到鮮味的確唔常見，但新鮮海鮮只供應到8:30前就停，想食多幾款真係要密密排同等......所以後來現像係啲人只排海鮮，其他區變得冷清。以五百多一位算可以 ,但整晚都在輪迥，第一次食自助餐係由頭排到尾，由於輪流轉款關係，明明眼見仲有幾隻數過應該攞得到，點知有啲家長排排吓會突然多咗個小朋友埋嚟拎多碟，然後又不幸地前面果位又話要同款兩隻，於是我就排了個寂寞，真係未到最後一刻都唔知自己排緊乜，像我老公每次出去都係攞到炒海鮮，然後經理同我老公講：咦～你都幾鐘意食炒海鮮喎，然後老公無奈笑說：唔係我鐘意食，係根本蒸海鮮輪不到我，每次排到我就冇晒 =v=
$585
14 views
0 likes
0 comments
Post
