Video
Read full review
2021-04-18
2820 views
朋友生日，揀咗Butcher’s Choice Main $258/人Starter要$100/人，dessert $40/人（必須全部人都要比）分量：starter係足二人份量。但係同隔離枱單點嘅牛扒比，我地Main course嘅牛扒感覺係一人份量多一兩塊牛左右。仲要我哋揀嘅牛肉比隔離枱貴。甜品收足二人價錢，但係上到枱只有一份，感覺受到欺騙！加上疫情期間，為了減少交叉傳播，唔係更應該分兩份serve客人會更好咩？服務：雖然政府規例10:00完結堂食，但係當我哋9:30啱啱開始食main course嗰陣，一個女侍應拎左個甜品出嚟，之後我哋同另一位侍應講因為啱啱先開始食main course，可唔可以將個甜品放返雪櫃先陣間再食。個侍應居然同我講甜品上面嗰啲係cream，唔係雪糕唔怕溶，拒絕幫我放落雪櫃。即使唔會溶都好，但係整個甜品係有奶類製品，如果將奶類製品長時間放喺室溫food haccp嚟講好容易滋生細菌，呢個係大家都知道嘅common sense。我理解就快完結堂食，師傅可能收工所以早咗拎甜品俾我哋，但係我唔覺得將一份仔嘅甜品放落雪櫃度有幾難？味道：師傅真係做到medium，呢
Starter要$100/人，dessert $40/人（必須全部人都要比）
分量：
starter係足二人份量。但係同隔離枱單點嘅牛扒比，我地Main course嘅牛扒感覺係一人份量多一兩塊牛左右。仲要我哋揀嘅牛肉比隔離枱貴。甜品收足二人價錢，但係上到枱只有一份，感覺受到欺騙！加上疫情期間，為了減少交叉傳播，唔係更應該分兩份serve客人會更好咩？
服務：
雖然政府規例10:00完結堂食，但係當我哋9:30啱啱開始食main course嗰陣，一個女侍應拎左個甜品出嚟，之後我哋同另一位侍應講因為啱啱先開始食main course，可唔可以將個甜品放返雪櫃先陣間再食。個侍應居然同我講甜品上面嗰啲係cream，唔係雪糕唔怕溶，拒絕幫我放落雪櫃。即使唔會溶都好，但係整個甜品係有奶類製品，如果將奶類製品長時間放喺室溫food haccp嚟講好容易滋生細菌，呢個係大家都知道嘅common sense。我理解就快完結堂食，師傅可能收工所以早咗拎甜品俾我哋，但係我唔覺得將一份仔嘅甜品放落雪櫃度有幾難？
味道：
師傅真係做到medium，呢樣係要讚嘅地方。但係冇咩牛味，純粹肉一塊，呢樣係比較失望嘅地方。
另外我哋叫咗個生牛肉他他，他他味道冇特別，有啲單調，要加埋芥末會好食啲。他他上面會有多士配住食，但係太硬喇，好似食緊石頭咁。
前菜有份沙律，但係份沙律落得過多橄欖油，本身係一樣健康嘅嘢，突然之間變得好唔健康，有啲負擔，每一條菜都係油亮亮、碗底有好多油，大家想像下中式嘅乾炒牛河食完碟底啲油就係exactly呢個樣。
甜品有啲似tiramisu，不過係莓味，味道過甜過酸，淡味啲會更好，因為啲味太強烈遮蓋左上面有雲呢拿籽嘅cream，感覺浪費了。
總結：
成餐飯埋單要千幾蚊，但係以份量來講真心不值，俾二人嘅錢，但係出到嚟嘅份量係一人份，而且食物嘅味道都感到失望。服務方面，除咗甜品嗰件事其他侍應都好Nice。想試嘅朋友強烈唔建議你叫呢個餐，可能你哋單點會更好！
Post
