板燒郎燒肉鐵板放題料理專門店 (Closed)

早前喺Facebook見到呢間餐廳五周年優惠 二人同行一人半價，所以就過嚟試吓啦。 夠鐘五點鐘去到入座，冇乜客人應該係啱啱開無幾耐，環境都幾乾淨同清靜😆店員話俾我哋知升級版會更加好食，見到有鮑魚同長腳蟹任食就試吓啦。店員一開頭已經幫我地安排左刺身食物，等我哋可以一路食一路等都幾貼心，仲要送咗兩碗龍躉湯俾我哋刺身同壽司都非常好食，但係我就唔鍾意個壽司飯咁酸。肉類嘅份量亦都唔會好大，啱啱好女仔個口，味道同其他餐廳差唔多啦，隔離亦都有調味料可以比自己調味。值得推介嘅係飛天炒通菜同埋吉列炸蠔！個通菜完全唔老，食落好香口吉列炸蠔啱啱炸好一咬落去就好多汁啦已經埋單都係三百幾姐，都算抵食啦！