人和月雞煲火鍋店 (Closed)

而家疫情出街打邊爐都有啲危險 但係又唔想成日食住家飯 都會好掛住打邊爐㗎嘛 所以呢一個二人套餐都可以考慮一下！二人套餐包左一個雞煲$498(再75折) 有得選辣度，我就叫咗BB辣，唔食辣嘅人都食到！可以揀兩款肉，牛板腱口感唔錯，食得出幾新鮮，黑豚肉都切得幾厚身，啖啖肉。薑汁皮蛋貢丸味道幾特別，打邊爐來講都幾好食！墨丸、響鈴同芝士腸正常，不過佢哋嘅響鈴都幾大舊。呢個套餐除咗蔬菜之外，仲包左兩款嘢飲，佢哋嘅羅漢果菊花蜜超級好飲，屋企人都問係邊度可以再買，佢嘅味道有啲特別，就算係啲手搖飲品店都飲唔到呢種味道。之後我驚我哋兩個唔夠飽，仲嗌多咗個酸菜魚，酸菜魚都幾豐富，啲魚好滑身，酸菜味好出，辣度正常。