Video
Read full review
2024-04-05
8 views
✨預咗好耐冇見朋友聚一聚，即刻諗起呢間環境同食物都非常高質嘅餐廳😗 咁多人返大陸，都唔想同人迫，留港消費😝 呢間嘅卜卜蜆真係我心目中排行第一☝🏻✨職員好有禮貌，見我哋坐好晒，就攞醬料過嚟嚟俾我慢慢揀🫣 唔洗突登行出去😂🍲招牌惹味卜卜蜆煲 $228本身真係冇抱好大期望。可能之前勁想返大陸食，但係見到大陸好出名嗰間評價好差。de呢間真係冇揀錯，一躍成為我心目中係第一嘅卜卜蜆煲😍😍😍 首先湯底好濃郁，卜卜蜆吸啲精華，每一粒都非常飽滿又有肉地😋 仲要係一粒沙都冇！同埋一隻唔開嘅死蜆都冇！ 我哋食完之後，堆滿咗兩大碟，成為2座卜卜蜆山😂 職員收碟嘅時候仲好有禮貌問覺得啲蜆點，真係忍唔住大讚🫣 跟住職員先同我哋講，啲蜆係養住吐沙，一落咗order先即刻撈上嚟，所以好新鮮。 🍽️ 美國頂級手切封門柳 $238牛味香，烚10秒就夠。每一片嘅厚度都適中，都幾大一片😍 10秒啱啱好，又鮮嫩又食到牛香味🥳🍽️ 蘇格蘭聖子皇(2隻） $88呢款蘇格蘭聖子皇真係大隻又鮮嫩,雖然只有兩隻，但係真係好抵食，烚完都係勁大隻，仲要鮮嫩爽口，佢每日有限定份量，所以見到佢得返兩份即刻嗌咗兩隻🤭🍽️ 手打墨丸（4粒） $48手打
✨職員好有禮貌，見我哋坐好晒，就攞醬料過嚟嚟俾我慢慢揀🫣 唔洗突登行出去😂
🍲招牌惹味卜卜蜆煲 $228
本身真係冇抱好大期望。可能之前勁想返大陸食，但係見到大陸好出名嗰間評價好差。de呢間真係冇揀錯，一躍成為我心目中係第一嘅卜卜蜆煲😍😍😍 首先湯底好濃郁，卜卜蜆吸啲精華，每一粒都非常飽滿又有肉地😋 仲要係一粒沙都冇！同埋一隻唔開嘅死蜆都冇！ 我哋食完之後，堆滿咗兩大碟，成為2座卜卜蜆山😂 職員收碟嘅時候仲好有禮貌問覺得啲蜆點，真係忍唔住大讚🫣 跟住職員先同我哋講，啲蜆係養住吐沙，一落咗order先即刻撈上嚟，所以好新鮮。
🍽️ 美國頂級手切封門柳 $238
牛味香，烚10秒就夠。每一片嘅厚度都適中，都幾大一片😍 10秒啱啱好，又鮮嫩又食到牛香味🥳
🍽️ 蘇格蘭聖子皇(2隻） $88
呢款蘇格蘭聖子皇真係大隻又鮮嫩,雖然只有兩隻，但係真係好抵食，烚完都係勁大隻，仲要鮮嫩爽口，佢每日有限定份量，所以見到佢得返兩份即刻嗌咗兩隻🤭
🍽️ 手打墨丸（4粒） $48
手打嘅墨丸每一粒都勁大一粒，岀色👍
食得出每一粒新鮮嘅墨魚，紮實有咬口😍
🍽️ 芝士腸$48、油麥菜$38
基本上每次打邊爐必點，芝士腸愛好者證實係金妹牌😝(我覺得咋，應該唔會錯😂) 同埋如果次次打邊爐都係食生菜，就一定要試吓油麥菜，一試愛上
Post
