Video
Read full review
2020-05-23
1071 views
華洋書莊 #半山❗️二月廿九拍攝場地 真文青之cafe❗️呢間Cafe就係二月廿九嘅拍攝場地，當中女主角工作嘅書店就係呢度！喺戲入面都見到書店復古味重，書店外仲係紅磚堆砌，絕對係文青必去。原來除咗書店之外佢哋仲係一個小cafe，店內位置唔多，大約可以容納10個人左右，俾你一邊睇書一邊嘆咖啡。呢度嘅書籍並非最新淨，有大量舊書，有唔少都係名著，坐低左之後可以隨意睇書，鍾意嘅話亦都可以買走，因為書籍比較舊，所以價錢比起一般嘅平。食物種類唔算好多，主要有意粉餐、多士餐、飛碟餐同埋日式芝士蛋糕，套餐一律$50，包括咖啡、朱古力，如果想嗌特色嘢飲就要再加$3。提一提大家每人有最低消費$30 㗎！如果着住校服、港大學生或者聖士提反女子中學嘅學生惠顧佢嘅意粉餐仲有九折優惠。蛋沙律飛碟餐$50配 肉桂咖啡+$3兩塊應該係嘉頓嘅麵包夾住蛋沙律，蛋沙律味道正正常常，但可惜麵包烘得唔脆，反而有啲韌🤭 肉桂咖啡聞落去的確好香玉桂味，可惜入口就。。。但勝在佢個咖啡底都唔酸又唔會太澀。味道: 3/5性價比: 3/5日式芝士蛋糕$30口感居然出奇地creamy，同一般食開日式芝士蛋糕嘅鬆軟口感唔同，的確幾特別。不過芝士味
❗️二月廿九拍攝場地 真文青之cafe❗️
呢間Cafe就係二月廿九嘅拍攝場地，當中女主角工作嘅書店就係呢度！喺戲入面都見到書店復古味重，書店外仲係紅磚堆砌，絕對係文青必去。原來除咗書店之外佢哋仲係一個小cafe，店內位置唔多，大約可以容納10個人左右，俾你一邊睇書一邊嘆咖啡。
呢度嘅書籍並非最新淨，有大量舊書，有唔少都係名著，坐低左之後可以隨意睇書，鍾意嘅話亦都可以買走，因為書籍比較舊，所以價錢比起一般嘅平。
食物種類唔算好多，主要有意粉餐、多士餐、飛碟餐同埋日式芝士蛋糕，套餐一律$50，包括咖啡、朱古力，如果想嗌特色嘢飲就要再加$3。提一提大家每人有最低消費$30 㗎！如果着住校服、港大學生或者聖士提反女子中學嘅學生惠顧佢嘅意粉餐仲有九折優惠。
蛋沙律飛碟餐$50配 肉桂咖啡+$3
兩塊應該係嘉頓嘅麵包夾住蛋沙律，蛋沙律味道正正常常，但可惜麵包烘得唔脆，反而有啲韌🤭
肉桂咖啡聞落去的確好香玉桂味，可惜入口就。。。但勝在佢個咖啡底都唔酸又唔會太澀。
味道: 3/5
性價比: 3/5
日式芝士蛋糕$30
口感居然出奇地creamy，同一般食開日式芝士蛋糕嘅鬆軟口感唔同，的確幾特別。不過芝士味就唔夠香。
味道: 3/5
性價比: 3/5
整體來講，睇過唔少評價都話食物質素一般，只可以話呢一間Cafe真係比真文青嚟，如果你鍾意睇書，呢度絕對係一個啱曬悠閒咁坐足成個下晝嘅睇書好去處！另外復古嘅裝修同埋擺滿書籍嘅內在環境的確幾適合打卡嘅。
題外話，當日去到職員係咁推銷意粉餐，但係見到煙鴨胸、脆皮芝士腸、漢堡扒配茄汁或者白雞汁嘅選擇，吸唔吸引就見仁見智。
華洋書莊 (半山)
🚩半山柏道10號地下
肉桂咖啡
106 views
0 likes
0 comments
日式芝士蛋糕
$30
99 views
0 likes
0 comments
日式芝士蛋糕
$30
49 views
0 likes
0 comments
蛋沙律飛碟套餐
$50
83 views
1 likes
0 comments
Post
