山本屋 (圍方)

Open Now

Now Closed

與友閒逛圍方，經過山本屋，平時墟冚嘅場面變得冷清，只係見得幾個人排隊…… 諗住冇走雞，機會難逢，梗係要入內試吓菜啦！首次光顧嘅我哋，點咗四樣嘢，包括：黑豚肉煮烏冬配黃金鰹魚清湯、美國安格斯牛肉煮烏冬配老店傳統味噌湯、冷豆腐，以及蝦天婦羅。柯打上碟速度算快，小食冇乜大驚喜；咬咗一啖蝦天婦羅之後，我倆滿頭黑人問號外，並即從心底打咗個突兼皺眉頭，因為用料明顯唔新鮮，致直接影響咗菜式嘅味道。更甚嘅係，烏冬個芯完全唔熟，硬如石頭，哽到個胃嗌救命(幸好肺冇被塞住)，兩兜嘢最後都食剩大半，勁嘥！埋單嗰陣，我坦然表達對此店有啲失望。講真，呢個商場除咗雪糕之外，都冇乜咩值得推薦。