臺北棧 (世貿中心)

Open Now

Now Closed

之前食過尖沙咀果間臺北棧覺得幾好食, 原來銅鑼灣都有分店, 難得今晚係銅鑼灣收工後就決定再去食過, 餐廳環境闊落, 比尖沙咀分店坐得更舒適!⭐香水檸檬台南冬瓜茶最近真係好中意飲檸檬茶, 見到檸檬茶crossover冬瓜茶E個完美配搭就緊係要試下, 檸檬酸酸甜甜帶點冬瓜菜味道, 清爽解渴, 味道不錯⭐橘色海陸涮涮鍋粥車車平時除左中意食飯, 其實粥都係好中意, 尤其就係入面好多料嘅粥, 店員會先端上配料好似蟹柳／丸／蔥花／紫菜／麻油／蛋, 再講解每樣材料幾時落, 落幾耐, 唔記得都唔緊要, 佢地會提供一張說明書, 好貼心啊! 食落鮮甜味美, 每啖都好多料, 食完好暖胃! ⭐芋泥椰絲奶奶麻糬車車其實嚟嘅主要原因都係因為想食麻糬, E款比較特別嘅係用椰絲同芋泥, 麻糬煙韌軟糯, 又唔會太甜, 兩個人食岩岩好