As Usual Cafe

Open Now

Now Closed

好食嘅餐廳我從來都唔介意二訪、三訪、四訪，怎至無限訪😎As Usual Cafe俾人舒服嘅感覺，推門入去聽到餐廳播放著令人放鬆嘅音樂🎶，簡約裝潢設計搭上日系木枱櫈，再配合陽光嘅照射，閒時好適合來個懶洋洋嘅下午🧸今次嚟到set menu有所更改，除咗多咗選擇之外，仲送埋餐飲，價錢比之前更優惠🌟📜Set Lunch – Soup / Salad + Main + 鮮果茶 / 50% Drinks\ 🍄 餐湯‧磨菇湯 /上次飲過南瓜湯，今次終於撞正磨菇湯，見到湯嘅顏色就知佢好足料，落咗超多磨菇，飲落去會有少少嘅磨菇粒增加口感。湯上面加咗少少橄欖油，應該係想令個湯入口順滑d，但我覺得橄欖油有些微分離，用奶油會比較合適\ 🍯蜜糖醬炸雞配列日窩夫🧇 /列日窩夫係店舖signature，全人手製作，無論係發酵麵團定珍珠糖都係自己包辦，絕對係誠意之作！窩夫上枱已經聞到牛油香🧈同蛋香🥚，食落外脆內軟，烤焗過程中令珍珠糖焦糖化，令窩夫表面非常脆，𥚃面就似鬆軟嘅麵包🍞，口感非常好！列日窩夫有成4件，份量都好足。而炸雞即叫即炸🍗，所以非常脆口，表皮酥脆，炸粉厚薄適中，咬落肉汁滿滿好juicy，肉質鮮鮮嫩不柴。