町町丼丼 (濱海大廈)

Open Now

Now Closed

之前幫襯過荔枝角分店，同同事試過後感覺好唔錯同抵食，對呢間外賣自取店印象都唔錯。最近見到好似有新品，決定同另一友人試試佢。-咖喱吉列鰻魚丼 $67鰻魚就食得多，吉列鰻魚就真係第一次食。店家依然好貼心地將醬汁同配菜、沙律菜分開，避免咖喱汁浸稔炸鰻魚，完美保留吉列口感。吉列鰻魚炸得外脆內軟，魚骨唔多，肉質帶有少許鮮甜味。咖喱為日式甜咖喱，混有紅蘿蔔同薯仔粒，口感不俗。惟白飯煮得稍嫌稔咗少少，如果可以粒粒分明返就好啲。-大盛雙層鰻魚丼 $76雖然同樣以鰻魚做主角，但呢款主打厚身鰻魚口感，兩大條鰻魚鋪於飯面，另伴有厚身玉子條。鰻魚份量十足，口感軟嫩，性價比極高，絕對可以滿足一眾鰻魚控。-磯燒魷魚天婦羅配黑椒蛋黃醬 $ 38魷魚經過磯燒處理再以天婦羅方式油炸，炸衣額外混入大量紫菜碎，提香作用一流，亦帶有磯燒後嘅獨有香氣。魷魚口感幾彈牙，唔會過老過韌。-唐揚炸雞配黑椒蛋黃醬 $38炸雞用咗傳統嘅日式方法油炸，簡單但唔會過於油膩，特別欣賞雞肉都夠嫩滑，同時鎖住肉汁。份量同魷魚天婦羅不相伯仲，一樣多到令人捧腹而歸。