蚊蚊豬老火鍋 (Closed)

同大學朋友好耐冇見，想慢慢食，傾吓計，update 下近況，蚊蚊豬已經第二次食，都仲係好好食，仲記得第一次嚟，印象好好🥰任食套餐價錢好平，二百幾蚊一位，有好多款湯底揀，今次有牛尾煲，牛尾份量多，平時食1份都已經過百，食完牛尾煲，我哋就叫咗個烤魚，烤魚之前我食四川麻辣味，辣得來幾過癮，今次見到新口味，有泡椒酸辣味，梗係試吓啦，湯底都真係唔錯，酸酸地辣辣地好開胃，咁啱朋友唔係特別食得辣，完全carry得到冇問題，烤魚烤得啱啱好，本身已經8成熟，跟住慢慢喺泡椒湯底煮熟嗦埋啲味，啖啖魚肉，又唔會鞋，食過返尋味。 另外放題每位都會送刺身同埋海鮮，刺身方面有三文魚八爪魚墨魚甜蝦鮑魚片，海鮮有鮑魚青口同埋蝦，都非常豐富，質素放題來講都算係唔錯，刺身仲可以任叫。另外佢哋新加左有麻辣燙，非常之有心思，同埋比食客感覺有好多好多選擇，我就叫咗毛肚串，牛王喉，兩樣都爽口，辣味十足，估唔到過嚟食烤魚，同埋打邊爐都可以試到麻辣燙。另外不得不提嘅係佢哋嘅牛肉選擇非常之多，安格斯牛肉，牛展，牛舌，本地手切牛肉，牛胸爽等等，咪住先以為得壹碟？唔係呀佢哋可以任叫任食，二百幾蚊真係非常之抵，食得好滿足質素仲要好高，一定會回