Video
Read full review
2017-11-17
3743 views
唔知點解對於上次黎呢間餐廳嘅印象仲記憶猶新，係上年嘅2月28日，哈哈，可能因為上年有29號，所以我記得咁清楚(?)今日收工再次黎到呢度，平日晚上，客人不少，我地坐喺近門口位置，有棵幾有文青感嘅樹旁邊，加左啲吊飾後，都裝飾得幾靚，如果日頭黎，影嘅相會靚啲；始終晚上燈光偏黃同暗。餐廳位置唔算多，有兩張長枱，有望到街外嘅高枱，都係木枱木櫈，裝潢整體同我上次黎嘅印象一樣，水泥地、水泥牆，難怪有啲人形容為文青小店，有唔少電影相關嘅擺設、書、畫報等我已經忘記左當日男朋友同我討論邊一套電影。其實呢度環境都幾舒服，不過人多起上黎就難免會嘈少少。餐牌選擇唔算多，小店經營，供應沙律、小食、披薩、幾款主食，例如意粉、漢堡、羊架、千層麵等，仲有甜品，價錢公道。飲品方面有咖啡、朱古力、茶類、沙冰，只要點沙律或主菜都可以享飲品正價減$20。每人最低消費一款食物/飲品。冬蔭公海鮮意大利粉 $78意粉份量適中，煮得腍身彈牙，唔係好煙韌嗰種。雖然話係冬蔭公味，實際食落酸酸辣辣，唔算話好冬蔭。醬汁份量多，唔會好稠身，但足夠掛於意粉上，條條都有汁。如果鐘意食辣野嘅人，應該都會喜歡的，因為辣勁頗強，幾過癮海鮮方面以呢個價錢黎
餐牌選擇唔算多，小店經營，供應沙律、小食、披薩、幾款主食，例如意粉、漢堡、羊架、千層麵等，仲有甜品，價錢公道。飲品方面有咖啡、朱古力、茶類、沙冰，只要點沙律或主菜都可以享飲品正價減$20。每人最低消費一款食物/飲品。
冬蔭公海鮮意大利粉 $78
意粉份量適中，煮得腍身彈牙，唔係好煙韌嗰種。雖然話係冬蔭公味，實際食落酸酸辣辣，唔算話好冬蔭。
醬汁份量多，唔會好稠身，但足夠掛於意粉上，條條都有汁。如果鐘意食辣野嘅人，應該都會喜歡的，因為辣勁頗強，幾過癮
海鮮方面以呢個價錢黎計，相當有誠意，有蝦、青口、墨魚等，份量不少，一律都好新鮮，特別係墨魚，煮到剛熟，好彈牙。
唔食辣嘅可以選擇另外兩款：蒜香橙汁鴨胸意大利粉/芝士拿破崙千層麵~
冬蔭公海鮮意大利粉
$78
32 views
0 likes
0 comments
冬蔭公海鮮意大利粉
$78
27 views
0 likes
0 comments
啤酒魚柳拼美國薯條 $73
本來店家推薦漢堡同羊架，可惜我地當日唔係好想食太飽，又見人地話甜品幾好食，留留肚。
實際見到隔離枱點左呢兩款主菜賣相可好呢，有機會可以一試。
最終點左啤酒魚柳，魚柳有整整三大件，size都唔細，炸漿薄薄一層，而且新鮮炸起，夠熱辣香脆
魚柳比較薄，肉夠嫩滑唔會乾鞋，只係冇啤酒味，如果能夠附上沙律醬或者蛋黃醬會更好。個人口味，唔係好鐘意茄醬(笑)
薯條唔好睇個桶仔細細，份量都幾多，粗薯香脆，冇過多調味，唔會太鹹，點都好食。
啤酒魚柳拼美國薯條
$73
45 views
0 likes
0 comments
小食方面以煎炸野為主，我地點左兩款，多幾個人的話可以考慮「分享拼盤($89)」，有齊炸雞、芝士卷、薯條、薯波、酥菇，乜都有啲。
鹽酥菇 $52
鹽酥菇係另一樣推介的，我記得上次黎都有點，然後都很喜歡
份量唔算好多，足夠兩人用，新鮮熱辣炸起，菇粒都大件，外脆內juicy，即使唔沾茄醬都好夠味。
鹽酥菇
$52
23 views
0 likes
0 comments
老北京烤鴨脆脆卷 $58
呢份係男朋友想試的，脆脆卷入面嘅料唔係好多，外皮尚算脆口，裡面勉強食到烤鴨嘅香，唔會太油膩。
老北京烤鴨脆脆卷
$58
29 views
0 likes
0 comments
麻糬窩夫 $68
麻糬窩夫係幾期待的，事前睇過賣相幾吸引，一份四件，中間一球雪糕，再加忌廉。
窩夫唔係外脆內軟嘅口感，比較似係夾餅，面頭都係軟軟地的，因為整件麻糬連蛋漿做成，所以食落都幾煙韌。
蛋香唔重，忌廉細滑，加上雪糕，輕鬆食完
麻糬窩夫
$68
27 views
0 likes
0 comments
麻糬窩夫
$68
17 views
0 likes
0 comments
櫻花荔枝茶+$18
荔枝茶味道清香，完全唔假，跟餐減廿蚊，非常ok。
櫻花荔枝茶
24 views
0 likes
0 comments
水蜜桃乳酪沙冰 +$28
沙冰嘅賣相比較吸引，唔係好大杯，但幾有果香，沙冰細滑冇碎冰。
水蜜桃乳酪沙冰
24 views
0 likes
0 comments
餐牌：
Post
