轉角‧見

Open Now

Now Closed

同舊同事敍舊，想搵間cafe坐下舒舒服服傾計，想食飽肚又唔想咁貴，上網搵左陣就決定揀呢間試下。由於未嚟過，而店鋪嘅位置唔算係人流旺嘅地方，所以都要搵左陣先行到。我地就揀左係戶外位置食嘢，雖然環境唔算靚，但天氣涼涼地都幾舒服。我地分別點左型男漢堡同芝士磨菇漢堡。型男芝士漢堡 $64個漢堡都幾大，想一啖咬落去實成嘴都係，加埋流心蛋預左成嘴都係汁咬落去個漢堡好juicy，好有牛肉味，唔會死實實或者乾，而且好稔同唔會散。加埋流心蛋嘅蛋液，令到牛肉嘅味道更凸顯到。而佢嘅菜唔係普通生菜，而係羅馬沙律菜，咬落仲好fresh 爽爽聲，亦都平衡到漢堡扒嘅油膩感。而煙肉就普通啲冇話好特別，唔算油。另外留意返佢呢個包係得佢一個有蛋嘅。芝士磨菇漢堡 $58磨菇同漢堡扒亦係一個好夾嘅組合，佢呢度嘅菇食得出係新鮮菇。呢個包嘅味道就比較田園風，食落亦相對冇咁易會有飽濟咁感覺。2個套餐都會有薯條跟，想講返呢度嘅薯條真係好出色，值得一讚，放入口係好熱，食得出係即炸，薯條本身好厚實硬淨，薯味比平時食嘅濃同新鮮好多。