魂 (Closed)

估唔到第一次食係五年後太子。好多年前當佢仲係銅鑼灣既時間就已經想食，但係每次去到都冇開。今日行過太子竟然見到搬遷左既魂。拉麵。雖然午飯仲未消化晒，但都要入去一試想食好耐既青龍拉麵。可惜竟然要六點後先有咁唯有試食太極拉麵啦。太極。拉麵：湯底一絕，口感敦厚，一飲就知足材。 飲到最後仲可以見到少少豬骨碎。叉燒都係好正，肥瘦均勻，可比雪花牛肉。唯一要彈既係個麵。唔係唔好食，只是較普通，可以再進步！整體來講，值得一試再試。$99碗係值得。希望下次有機會試青龍！