Video
Read full review
2020-06-28
3868 views
之前上網成日都見到一個好精美嘅小食拼盤，可以話係打卡神物，經過明查暗訪之後終於知道係呢間餐廳嘅出品。離遠已經見到這間餐廳，五感六覺這幾個字真係好型，的確亦都係呢一間餐廳所注重嘅嘢，無論係環境食物質素同味道亦都係非常講究。餐廳環境都非常高貴，亦都有啲打卡嘅地方例如話係呢個花花牆。餐牌選擇都唔少。有日式嘢亦都有西式。話說我哋都係偏向西人，所以今次就一於叫一個小食拼盤同埋漢堡。Snack Combo有九種小食加埋嘅一個小食拼盤。就噉睇已經好靚。當然食物質素亦都不負眾望。我最鍾意嘅就係佢嘅蘇格蘭流心蛋，完全做到外脆內軟嘅感覺。位於中間嘅三文魚仔亦都好鮮甜，煙三文魚亦都包嗰啲青瓜落去感覺更清新。細小既和牛漢堡亦都充滿肉汁。同埋識喐手嘅我哋就最鍾意食炸雞喇。紅蔥炸雞漢堡拼薯條。漢堡嘅分量非常之大，亦都十分足料，炸雞可以話係大大件，加上佢有個獨特嘅紅蔥汁，加埋個項目嘅酸酸甜甜噉非常開胃。另外佢都配上薯條同埋沙律，亦係一個唔錯嘅選擇。Mid Summer女朋友一見到呢杯嘢已經話想叫。因為佢成杯真係好靚，仲用個量杯嚟裝住，飲落去水果味十分突出。Earl grey milk tea 餐廳另一個招牌飲品。雖
之前上網成日都見到一個好精美嘅小食拼盤，可以話係打卡神物，經過明查暗訪之後終於知道係呢間餐廳嘅出品。
離遠已經見到這間餐廳，五感六覺這幾個字真係好型，的確亦都係呢一間餐廳所注重嘅嘢，無論係環境食物質素同味道亦都係非常講究。
餐廳環境都非常高貴，亦都有啲打卡嘅地方例如話係呢個花花牆。
餐牌選擇都唔少。有日式嘢亦都有西式。話說我哋都係偏向西人，所以今次就一於叫一個小食拼盤同埋漢堡。
Snack Combo
有九種小食加埋嘅一個小食拼盤。就噉睇已經好靚。當然食物質素亦都不負眾望。我最鍾意嘅就係佢嘅蘇格蘭流心蛋，完全做到外脆內軟嘅感覺。位於中間嘅三文魚仔亦都好鮮甜，煙三文魚亦都包嗰啲青瓜落去感覺更清新。細小既和牛漢堡亦都充滿肉汁。同埋識喐手嘅我哋就最鍾意食炸雞喇。
紅蔥炸雞漢堡拼薯條。
漢堡嘅分量非常之大，亦都十分足料，炸雞可以話係大大件，加上佢有個獨特嘅紅蔥汁，加埋個項目嘅酸酸甜甜噉非常開胃。另外佢都配上薯條同埋沙律，亦係一個唔錯嘅選擇。
Mid Summer
女朋友一見到呢杯嘢已經話想叫。因為佢成杯真係好靚，仲用個量杯嚟裝住，飲落去水果味十分突出。
Earl grey milk tea
餐廳另一個招牌飲品。雖然佢嘅賣相好似杯珍珠奶茶，但係會飲得出好香濃嘅茶底，滿滿嘅黑糖味道，仲有飲品面頭嘅芝士奶蓋，加起上嚟嘅感覺好特別。
總結，呢間餐廳的確係玩五感六覺，色香味環境俱全，waitress 態度亦有禮，誠意介紹大家嚟呢度食嘢。
Post
