亞蘇爾 (新城市廣場) (Closed)

今日去沙田睇戲，每次經過都要排隊的亞蘇爾今日唔算多人，等兩張枱就有位喇，睇戲前就試下葡國菜啦。餐廳裝潢新穎有空間感，侍應服務亦勤快。餐牌款式豐富，特色傳統一應俱全。我地點了脆皮乳豬伴薯菜：乳豬皮非常脆，多肉，肉嫩多汁，點上芥末醬會生色不少，薯角香脆惹味，燒菠蘿同燒翠玉瓜可以清新味覺👍。葡式臘腸肉碎煎蛋飯：臘腸肉碎炒得香口，少許芫茜增添香味，加上飽滿的蛋黃汁，很快就清碟了。温泉蛋墨魚意大利麵：墨魚汁鮮濃，魷魚新鮮爽口，混和了温泉蛋更添滑溜口感。燒沙甸魚：魚大條，皮燒得香脆，肉新鮮結實，少許調味，更突出魚的鮮味，連伴碟的沙律菜也非常爽脆新鮮，讚！葡撻：香濃又creamy，蛋面焦香，千層酥皮底夠鬆脆👍👍。