MOBIN (Moved) New Location

朋友介紹我去一間喺旺角叫MOBIN嘅樓上Cafe，沿路經過一條窄長嘅樓梯。進入餐廳後感覺截然不同，環境既寬敞又開揚。萬聖節就到，呢度都推出咗同萬聖節有關嘅食品MOBIN南瓜濃湯。呢個南瓜湯入面並不只是南瓜蓉，而且仲配有碎辣椒，好有口感。旁邊仲配有墨西哥脆片，點湯更好味。西班牙烤洋蔥薯仔5"原個蛋餅可以話係佢哋嘅Signature，五吋蛋餅相當足料，上面仲有一片厚厚嘅蕃茄。蛋餅入面包住薯仔片，真係又好味又飽肚。嚟Cafe當然要食吓甜品，紐約芝士蛋糕配自家製龍舌蘭焦糖醬感覺厚實，配上焦糖醬味道唔錯。蜜桃冰茶帶有蜜桃香，清清地幾好味。Ginger Latte係鮮奶咖啡配以薑味糖漿，香得嚟又唔太甜。