當下 (和富道) (Closed)

放工約左朋友過北角攞野，知道朋友鍾意食西餐，已經預早卜左當下。當下位於北角地鐵A1出口，大約再行約5分鐘，位置唔係大街大巷嘅，所以佢一定係有番咁上下水準，先吸引咁多人幫襯。-好彩預先卜左位，7:30黎到已經全場坐滿，佳因好多人都知呢間餐廳係好幫手推行待用餐卷，幫助一啲有需要朋友填肚，真係好值得比讚👍🏻。今晚order左兩個set dinner :🥢湯+沙律🥢忌廉汁深海鱸魚（配薯角)鱸魚好大件，外皮煎得脆脆，入邊魚肉好嫩滑juicy，皮同肉之間有一層薄薄油脂，連皮一齊食，油脂慢慢係口腔爆開，甘香無比😋。薯角份量亦好多，最鍾意薯角大大條又厚身，簡直滿足晒味覺同口感😋。🥢炭烤蜜汁頂級黑毛豬叉燒飯朋友問，黎到酒吧餐廳食叉燒飯唔係掛，點知飯一黎到，食得最多就係佢🤣。先講飯底，珍珠米，一粒粒肥嘟嘟沾滿醬汁係口腔滾動，拌勻隻溫泉蛋，入口更加多左重蛋香😋；叉燒係半肥瘦，應該係梅頭位置，每件都係厚切，肉質鮮嫩腍滑有咬口，黑毛豬果真特別好食😋⋯⋯真心推介，大家一定要試下。🍹餐飲