Jack's Terrazza Ristorante

Open Now

Now Closed

上次同朋友去大埔bbq經過呢一間餐廳 ，就已經覺得好靚 ，今晚終於都有機會同老公嚟撐下枱腳！我哋今晚比較早到，場裏面好多枱都 可以任揀 ，但係好快已經full曬， 好彩早到 一步，裏面好有氣氛，因為有人現場一路彈琴，一路唱歌。湯係洋蔥湯嚟嘅！唔係好似一般嘅西餐廳得忌廉湯同埋羅宋湯！ 而個麵包都好特別， 佢個面，係沾滿咗芝麻嘅！好香芝麻味，有少少中西合璧嘅感覺！凱撒沙律都啲菜葉都好新鮮， 汁醬份量亦都啱啱好！去到海邊梗係要食海鮮啦！ 呢個海鮮拼盤咩都有啲，大家share嚟食， 又夠飽又多選擇，兩個人嘅份量啱啱好！ 蝦夠彈牙，魚亦都好入味，其他貝類都好新鮮！ 魚配埋個creamy嘅忌廉汁亦都好好食! 田螺同埋個蒜蓉包係一齊食嘅！田螺嗰個醬汁，放落個蒜蓉包上面 ，又有鮮味又夠香口，Yummy! 女仔最最最重要嘅一個item出現喇 ！就係甜品！！！呢個 Tiramisu 真係好好食 ！每一層都有佢自己嘅質感 ，配上酸酸地嘅藍莓完全唔覺得甜膩！飲品方面，就叫咗普通嘅凍檸水同埋凍檸茶 ，例牌都係自己加糖水，想加幾多就自己決定！不得不提！！呢度係可以帶狗狗嘅！有露天嘅地方， 如果有狗狗嘅朋友，呢一度