形 (海天晉滙)

Open Now

Now Closed

係將軍澳海天晉, 附近嘅Katachi形, 可能地點未算最方便, 不過就好適合朋友喜歡獨處, 安靜嘅好地方，。形主打係串燒，有好多日式味燒烤可以揀，真係可以滿足你嘅味蕾。另外形其實都酒吧近運作，相信weekend呢度都係一個朋友聚腳嘅好地方。當日坐係corner 位，望住出面嘅毛毛雨，到食物上嚟前都係一個好好嘅時間同自己相處。醬油燒新鮮鮑魚就係佢哋嘅招牌菜之一，鮑魚好嫩好滑，配上濃郁嘅醬油味道，真係好好食。串燒一定唔少得厚切牛舌， 牛舌切得好厚，食落去充滿住牛肉油脂好感, 加上黑椒同鹽簡單嘅調味，將牛嘅屬性完美逼出黎。月見雞肉棒就係另外一個值得一試嘅菜，雞肉棒燒得 外脆內軟，食落有香濃雞肉味道， 沾上新鮮蛋黃同醬油又係另一個層次🤤仲叫埋醬燒豬頸肉，juciy到想啪多兩三串燒玉子雖然簡單，不過好花功夫架，雞蛋燒到外皮脆卜卜，食落去反而好柔軟，口感差異好鬼得意。最後食埋冷烏冬做總結，清爽嘅麵條作為收尾嘅最佳選擇。烏冬麵條Q彈口感，配上鮮美嘅高湯，一口一口嘅食落去好舒服。Katachi形餐廳環境同裝潢都好舒服，你可以慢慢咁享受食午餐嘅時光，有好多好味嘅食物，而且價錢都好合理。