Video
Read full review
2019-01-24
1048 views
🌺京花朝呢間餐廳嘅名字絕對令人清楚知道係食中國地方菜系，呢間位於銅鑼灣耀華街嘅樓上餐廳正正就係主打京滬菜，因為最近對中菜都愛不釋手，所以會上網搵資料邊度有好嘅中菜食，就畀我搵到呢度。佢嘅價錢屬於銅鑼灣正常餐廳價晚市平均250到300蚊一個人，至於食物質素，就令人相當難忘。. 呢一晚我同朋友一行4人嚟食咗套餐，冷盤小碟四個人可以揀三款，小菜都係揀三款，當中有幾個令我印象特別深刻。. 每人一盅嘅👉🏻原盅燉湯上桌嘅時候連個盤都係熱到拎唔到，足料嘅湯料：雞腳，瘦肉，令到呢盅湯感覺特別滋潤，而且油份唔高；湯飲落好清甜，飲完成身暖笠笠。. 👉🏻醬牛筋起初以為佢係牛筋，幻想係相當大舊嘅形狀，原來佢係切到好薄片，所以入口嘅時候唔會一嚿嚿膠質，反而係肉質同埋骨膠原比例一平均，另上嘅秘製辣醬，配合唔同人嘅口味。. 👉🏻雞絲粉皮麻醬好香滑，感覺比坊間嗰啲特別濃厚香滑。雞絲同樣好嫩滑，並唔會因為諗住撕開咗比啲頭頭尾尾碎濕濕嘅客人；呢道冷盤最欣賞佢唔係真係雪到凍冰冰，所以食完唔會打冷震，同樣都覺得佢係新鮮。. 👉🏻主菜嘅金蒜風沙大虎蝦每人一隻，虎蝦有手掌咁長，肉質鮮甜彈牙，經過油炸同埋香蒜爆炒，味道相當香口。.
晚市平均250到300蚊一個人，至於食物質素，就令人相當難忘。.
呢一晚我同朋友一行4人嚟食咗套餐，冷盤小碟四個人可以揀三款，小菜都係揀三款，當中有幾個令我印象特別深刻。
.
每人一盅嘅👉🏻原盅燉湯
上桌嘅時候連個盤都係熱到拎唔到，足料嘅湯料：雞腳，瘦肉，令到呢盅湯感覺特別滋潤，而且油份唔高；湯飲落好清甜，飲完成身暖笠笠。.
👉🏻醬牛筋
起初以為佢係牛筋，幻想係相當大舊嘅形狀，原來佢係切到好薄片，所以入口嘅時候唔會一嚿嚿膠質，反而係肉質同埋骨膠原比例一平均，另上嘅秘製辣醬，配合唔同人嘅口味。.
👉🏻雞絲粉皮
麻醬好香滑，感覺比坊間嗰啲特別濃厚香滑。雞絲同樣好嫩滑，並唔會因為諗住撕開咗比啲頭頭尾尾碎濕濕嘅客人；呢道冷盤最欣賞佢唔係真係雪到凍冰冰，所以食完唔會打冷震，同樣都覺得佢係新鮮。.
👉🏻主菜嘅金蒜風沙大虎蝦
每人一隻，虎蝦有手掌咁長，肉質鮮甜彈牙，經過油炸同埋香蒜爆炒，味道相當香口。.
另外小炒方面，三個裏面有一個特別令人喜歡。
👉🏻糖醋魚片
酸酸甜甜既汁，開胃之餘送飯仲可以食上兩三碗😂 好多配菜，例如菠蘿，甜椒，洋蔥......當然魚塊亦都唔少，有成七至八塊，每一塊咬開都見到佢細密嘅組織，唔會用一啲雪咗好耐嘅急凍貨。.
👉🏻毛豆百頁豆腐
略嫌有啲鹹，但係如果配飯又可以好惹味，因為佢所有嘢都係一粒粒細粒組成，容易入口。.
呢間餐廳畀我嘅感覺係佢嘅食物價錢其實唔算貴，可惜貴咗嘅係茶芥加一同埋小食，呢幾樣嘢加埋令感覺成餐飯會貴咗，但係冇辦法🤦♀️香港食飯其實好多時都係食地價；而我喺呢度買到嘅亦都係佢哋優質貼心的服務💖同埋無限時嘅用餐時間😂
Post
