Video
Read full review
2023-03-27
205 views
因為朋友介紹，加上呢排工作壓力大，千零蚊食個日式靚料理犒賞自己都唔過份。Ozakaya位於灣仔修頓球場後的當眼位置，裝修似西式多過日式，感覺偏Chill。我哋嗰晚食嘅係日式創作料理，唔單止賣相道道都靚到爆燈，而且每一味嘅味道明顯都係經師傅專心調教過，絕對係味蕾盛宴之夜。1. 刺身魚漬 Sorry，唔記得咗呢個係咩刺身，但老實個刺身質地我唔係咁Ok，但係個味道我十分欣賞，有啲油香之餘，仲有種好清新怡人嘅酸甜味，茗荷嘅味道同個刺身好夾，成件事令人好開胃，係個好嘅開始。2. 日本蠔呢個日本蠔真係冇得頂，清新鮮甜到不得了，蠔味又濃；就算上面加咗三文魚子，都一啲搶唔走嗰陣濃郁嘅蠔味，而個青柚沙冰同紫蘇油，更加令到成個清新嘅層次更上一層樓，顏色方面亦令人食指大動。3. 季節刺身四款刺身師傅雖然有介紹，但坦白講有一件唔記得係咩，其餘係Toro、深海池魚同鰆魚，四樣刺身都唔使講，上佳水準，其實鰆魚係第一次食，味道好香口，尤其佢炙過塊魚皮，但油香味就更加出色，加上肉身勁厚，食完呢四款刺身已經好飽肚。 4. 北海道粟米油揚呢個選料絕對上乘，皆因嗰個粟米係清甜到好似浸完糖水咁，但係個甜味係勁天然之餘又勁清新
Ozakaya位於灣仔修頓球場後的當眼位置，裝修似西式多過日式，感覺偏Chill。
我哋嗰晚食嘅係日式創作料理，唔單止賣相道道都靚到爆燈，而且每一味嘅味道明顯都係經師傅專心調教過，絕對係味蕾盛宴之夜。
1. 刺身魚漬
Sorry，唔記得咗呢個係咩刺身，但老實個刺身質地我唔係咁Ok，但係個味道我十分欣賞，有啲油香之餘，仲有種好清新怡人嘅酸甜味，茗荷嘅味道同個刺身好夾，成件事令人好開胃，係個好嘅開始。
2. 日本蠔
呢個日本蠔真係冇得頂，清新鮮甜到不得了，蠔味又濃；就算上面加咗三文魚子，都一啲搶唔走嗰陣濃郁嘅蠔味，而個青柚沙冰同紫蘇油，更加令到成個清新嘅層次更上一層樓，顏色方面亦令人食指大動。
3. 季節刺身
四款刺身師傅雖然有介紹，但坦白講有一件唔記得係咩，其餘係Toro、深海池魚同鰆魚，四樣刺身都唔使講，上佳水準，其實鰆魚係第一次食，味道好香口，尤其佢炙過塊魚皮，但油香味就更加出色，加上肉身勁厚，食完呢四款刺身已經好飽肚。
4. 北海道粟米油揚
呢個選料絕對上乘，皆因嗰個粟米係清甜到好似浸完糖水咁，但係個甜味係勁天然之餘又勁清新喎。
5. 海膽多士＋松露醬
首先佢個海膽好甜好新鮮，又Creamy，又濃郁啦；然後最估唔到嘅，係佢底下嗰舊麵包都好香，基本上佢具備咗麵包能夠釋放出嚟香味嘅最高境界，食落口係滿口牛油麵包嘅香味，仲要一邊好Cream、一邊好香脆，真係勁夾嘅「矛盾」位。
6. 煙燻油漬螢烏賊
呢一味一定要讚，首先一上到枱打開蓋，嗰陣煙燻香味已經令小妹食欲大振，因為本人好Buy煙燻食物。然後原以為呢隻螢烏賊係平時喺壽司郎食開嘅「咸香腥」味，但偏偏佢唔係喎，反而只係好Subtle嘅魷魚味。咁呢味嘢到底食咩呢？係食佢嘅調味，佢個底原來係用Cream加豆漿煮出嚟，難怪食落口有一種唔知邊度嚟嘅奶香甜味，我哋原本以為滿口嘅山葵味道都係嚟自白色個汁，原來又錯，係嚟自啲三文魚子，佢哋每粒都浸過山葵水，個味道夾到不得了，總之食過唔少日式特色料理嘅我，都畀佢驚艷到。
7. 天婦羅 Standard
8. 甘鯛立鱗燒 甜椒味噌
呢個主菜我愛與痛的邊緣咗好耐，就係到底和牛好定立鱗燒好，最終決定食魚。而呢個魚真係冇令我失望，佢個皮炸得相當相當香脆，每塊鱗都好似新鮮打開嘅薯片咁脆，但係個魚肉又超嫩滑架喎，實在令人驚奇佢點做到。連向來甚少食魚嘅我同我老公，都認為呢個魚處理得相當值錢。
而我老公就叫咗和牛，嘩！個和牛好食必然啦，但係亮點係佢個椰菜花汁，勁級好味，好味到直頭可以話做咗主角咁滯，有機會一定要嚟試。
9. 季節壽司
四件分別係赤身醬油漬、金目鯛、鯖魚、穴子，咁嘅，穴子不嬲個質地我都麻麻，所以Skip，鰿魚向來都係我至愛，金目鯛又係人都知佢有幾出色，所以都可以Skip，我想講嘅係赤身漬，我不嬲唔OK赤身，因為覺得好勁血腥味，但呢隻赤身醬油漬完完全全冇呢隻味，而且漬咗之後佢大大提升咗赤身嘅香味同郁香味，好食到想Encore 。
10. 脆餅意式雪糕
呢個甜品真係好離譜，好食到離譜。佢個朱古力脆脆，唔單止好食，配埋用Lotus餅乾做成嘅意式雪糕，無論係一脆一軟嘅口感，抑或嚟自朱古力同焦糖嘅超夾甜品，都令人食到停唔到口。而個生薑沙冰除咗可以增加嗰種爽口感，仲帶出咗味道層次嘅最高境界，令人食完個甜品都仲想繼續食落去。真係十分圓滿嘅一餐。
刺身魚漬
7 views
0 likes
0 comments
日本蠔
8 views
0 likes
0 comments
季節刺身
9 views
0 likes
0 comments
季節刺身（另一角度）
10 views
0 likes
0 comments
北海道粟米油揚
7 views
0 likes
0 comments
煙燻油漬螢烏賊
4 views
0 likes
0 comments
煙燻油漬螢烏賊
5 views
0 likes
0 comments
甘鯛立鱗燒
3 views
0 likes
0 comments
季節壽司
3 views
0 likes
0 comments
脆餅意式雪糕
2 views
0 likes
0 comments
海膽多士
13 views
0 likes
0 comments
Post
